قازاقستاندىق زٸلتەمٸرشٸ اننا نۇرمۇحامبەتوۆا 8 جىلدان كەيٸن لوندون وليمپياداسىنىڭ كٷمٸس جٷلدەسٸن يەلەنۋٸ مٷمكٸن.
69 كەلٸگە دەيٸنگٸ سالماقتا دوداعا قاتىسقان قازاقستاندىق سپورتشى قوسسايىس قورىتىندىسى بويىنشا 5-ورىن العان بولاتىن. 2016 جىلى بۇل سالماقتا قولا جەنە 4-ورىن العان بەلارۋس اۋىر اتلەتتەرٸ مارينا شكەرمانكوۆا مەن دينا سازونوۆەتس دوپينگ قولدانعانى ٷشٸن جٷلدەسٸنەن ايىرىلىپ, اننا نۇرمۇحامبەتوۆا ٷشتٸككە ەنگەن ەدٸ.
بٷگٸن بەلگٸلٸ بولعانداي, وليمپيادانىڭ كٷمٸس جٷلدەگەرٸ رۋمىنييالىق روكسانا كوكوشتىڭ قان سىناماسىنان تىيىم سالىنعان "ستانوزولول" جەنە "مەتەنولون" پرەپاراتتارىنىڭ ٸزٸ تابىلعان. وسىلايشا قازاقستاندىق اۋىر اتلەتتٸڭ نەتيجەسٸ تاعى جاقسارىپ, قولا مەدالٸ كٷمٸسكە اينالادى.
دەگەنمەن بۇل ٸس بويىنشا ەلٸ ناقتى شەشٸم قابىلدانعان جوق. اننا نۇرمۇحامبەتوۆا ٶتكەن جىلدىڭ تامىز ايىندا تالدىقورعان قالاسىندا ٶتكەن سپارتاكيادا ويىندارىندا 81 كيلوعا دەيٸن سالماق دەرەجەسٸندە باق سىناپ, التىنشى ورىن العان. زٸلتەمٸرشٸنٸڭ جارىس كەزٸندە تاپسىرعان قان سىناماسىنان تىيىم سالىنعان "ورالتۋرينابول" پرەپاراتى تابىلعان.
قازٸرگٸ تاڭدا سپورتشىنىڭ ٸسٸ بويىنشا تەرگەۋ-تەكسەرۋ جٷرگٸزٸلٸپ جاتىر. ەگەر اننا نۇرمۇحامبەتوۆانىڭ دوپينگ قابىلداعانى راستالسا ول 4 جىلعا سپورتتان شەتتەتٸلۋٸ مٷمكٸن.
وسى كٷنگە دەيٸن قارسىلاسى دوپينگ قولدانعانى ٷشٸن 4 سپورتشىمىزدىڭ وليمپيادا ويىندارىنداعى نەتيجەلەرٸ جاقسارعان بولاتىن. اتاپ ايتساق, گرەك-ريم كٷرەسٸنەن 2008 جىلى وليمپيادادا قولا العان نۇرباقىت تەڭٸزباەۆقا كٷمٸس جەنە جەڭٸل اتلەت ولگا رىپاكوۆاعا قولا جٷلدە تابىستالدى. سونداي-اق اۋىر اتلەت اللا ۆاجەنينا 2008 جىلعى وليمپيادانىڭ چەمپيونى اتانسا, دەنيس ۇلانوۆ قولا جٷلدەنٸ الدى.
