قازاقستاندىق ميحايل ميششەنكو جۇپتىق سىندا پودگوريتسا قالاسىندا (چەرنوگورييا) 12 جاسقا دەيٸنگٸلەر اراسىندا تennis Europe سەريياسىندا ٶتكەن «RIO VERDE CUP» تۋرنيرٸندە جەڭٸمپاز اتاندى, دەپ حابارلايدى "ۇلت اقپارات".
قازاقستان تەننيس فەدەراتسيياسى مەلٸم ەتكەنٸندەي, م.ميششەنكو چەرنوگورييالىق ۆۋك كرستايچپەن بٸرگە فينالدا رەسەيلٸكتەر پەتر بوچاروۆ پەن ميروسلاۆ موروزوۆتى 6:1, 6:4 ەسەبٸمەن ۇتتى.
سونداي-اق ٶزبەكستان استاناسى تاشكەنتتە 18 جاسقا دەيٸنگٸلەر اراسىندا تٶرتٸنشٸ ساناتتاعى ITF سەريياسىنداعى بەدەلدٸ حالىقارالىق تۋرنيردە تاعى بٸر قازاقستاندىق ەركەجان ارىستانبەكوۆا تابىستى ٶنەر كٶرسەتتٸ. ول رەسەيلٸك ۆلادا مينچەۆامەن بٸرگە جۇپتىق سىندا فينالعا دەيٸن جەتتٸ. سوڭعى تارتىستى بەسەكەدە قازاقستاندىق-رەسەيلٸك جۇپ بەلارۋس ٶكٸلٸ الەكساندرا ازاركو مەن ٶزبەكستاندىق اننا حايكيسكە 6:7, 6:2, 7:10 ەسەبٸمەن ەسە جٸبەردٸ.
تاشكەنتتە جەكەلەي سىندا بەس تەننيسشٸ شيرەك فينالعا دەيٸن جەتتٸ. ساندۋش كەنجەباەۆا شيرەك فينالدا رەسەيلٸك ۆلادا مينچەۆادان 3:6, 3:6, ەركەجان ارىستانبەكوۆا ٶزبەكستاندىق اننا حايكيستەن 3:6, 0:6, مارييا سينيتسىنا بەلورۋسسييالىق الەكساندرا ازاركودان 6:4, 4:6, 1:6 ەسەبٸمەن ۇتىلدى.
بوزبالالار اراسىندا شيرەك فينالدا ەراسىل ەردٸلدا جارىستىڭ بٸرٸنشٸ راكەتكاسى, ٶزبەكستاندىق ماكسيم شينگە 2:6, 2:6, ماكس باتيۋتەنكو تاعى بٸر كورت يەسٸ امير ميلۋشەۆكە 4:6, 7:6, 3:6 ەسەبٸمەن جول بەردٸ.
