قازاقستاننىڭ كەسٸپورىندارى ەل تۇرعىندارىن پاندەميياعا قارسى قورعانىش زاتتارىمەن تولىق قامتاماسىز ەتٸپ وتىر, دەپ حابارلايدى قازاقپارات.
بۇل تۋرالى يندۋسترييا جەنە ينفراقۇرىلىمدىق دامۋ مينيسترلٸگٸنە قاراستى يندۋسترييالىق دامۋ كوميتەتٸنٸڭ تٶراعاسى مارات قاراباەۆ ايتتى.
«پاندەمييا كەزٸندە وتاندىق كەسٸپورىندارى ٶزارا جۇمىلىپ جۇمىس ٸستەي الدى. ٸندەت باستالعان كەزدە وتاندىق ٶندٸرۋشٸلەر تەۋلٸگٸنە 130 مىڭ مەدتسيتسينالىق ماسكا شىعارا الاتىن ەدٸ. قازٸر سول كەسٸپورىنداردىڭ قۋاتتىلىعى كٷنٸنە 1,5 ملن بەتپەردەگە جەتتٸ. ياعني قىسقا مەرزٸمدە كەسٸپورىندار جاڭا ٶندٸرٸس الاڭدارىن ٸسكە قوسا الدى. سول سيياقتى وتاندىق كەسٸپورىندار كٷنٸنە 330 مىڭ قولعاپ شىعاراتىن دەڭگەيگە جەتتٸ. ەلدەگٸ 6 زاۋىت بٸر ايدا 500 مىڭ قورعانىش كوستيۋمدەرٸن شىعارىپ وتىر. بۇل ٶز قاجەتتٸلٸگٸمٸزدٸ تولىق قامتاماسىز ەتۋگە جەتكٸلٸكتٸ», - دەدٸ كوميتەت تٶراعاسى ورتالىق كوممۋنيكاتسييالار قىزمەتٸندە.
پاندەمييا ٶرشٸگەن تۇستا حالىق ٶكپەنٸ جاساندى جولمەن تىنىستاندىراتىن اپپارات تاپپاي قىسىلعانى بەلگٸلٸ. قازٸر بۇل قوندىرعىلاردىڭ ٶندٸرٸسٸ دە جولعا قويىلىپ وتىر. كوميتەت باسشىسىنىڭ سٶزٸنە قاراعاندا, ەل استاناسىندا جەدەل قۇرىلعان زاۋىت بٷگٸنگە دەيٸن ەلٸمٸزدٸڭ 17 ٶڭٸرٸنە دە ٶز ٶنٸمٸن جەتكٸزٸپ ٷلگەرگەن.
«بۇدان باسقا ٶكپەنٸ جاساندى تىنىس الدىراتىن اپپارات جاسايتىن زاۋىت ٸسكە قوسىلدى. قازٸر ونداي اپپاراتتىڭ ەكٸ تٷرٸن شىعارادى. ٶكپەنٸ جاساندى جەلدەتەتٸن جەدەل اپپارات بۇرىن دا شىعارىلاتىن. پاندەمييا كەزٸندە ەل ٸشٸندە 500 دانا, تەجٸكستان جەنە قىرعىزستان ەلدەرٸنە گۋمانيتارلىق كٶمەك رەتٸندە تاعى 300 اپپارات قويىلدى. نۇر-سۇلتان قالاسىندا «قازاقستان اسەلسان ينجينيرينگ» كومپانيياسى تەز ارادا ٸسكە قوسىلىپ, ٶكپەنٸ جاساندى جەلدەتۋ ٷشٸن مەديتسينالىق كابينەتتەرگە قويىلاتىن كەشەندٸ اپپاراتتار ٶندٸرٸسٸ ۇيىمداستىرىلدى. نەتيجەسٸندە ەلٸمٸزدٸڭ 17 ٶڭٸرٸندە 297 اۋرحاناعا 1,5 مىڭ سونداي اپپارات جەتكٸزٸلدٸ», - دەدٸ مارات قاراباەۆ.
