بەلگٸلٸ زاڭگەر جانگەلدٸ سٷلەيمانوۆ قازاقستان جايلى سىڭارجاق مەلٸمدەمەلەرٸمەن تانىلعان رەسەيلٸك جۋرناليست تيگران كەوساياندى سوتقا بەردٸ, دەپ حابارلايدى Ulysmedia.kz.
زاڭگەردٸڭ پٸكٸرٸنشە, كەوسايان قازاقتاردىڭ نامىسىنا تيەتٸن سٶزدەرٸ ٷشٸن زاڭ الدىندا جاۋاپ بەرۋٸ كەرەك.
"كەوسايان بٷكٸل حالقىمىزدىڭ نامىسىنا تيدٸ, ول سٶزسٸز. بۇل ٸستەگٸ ۇستانىمى ٷشٸن سٸم-گە راحمەت.
بٸراق قازاقتار دا جاۋاپ بەرۋٸ كەرەك. زاڭعا سەيكەس, جاۋاپ بەرۋشٸ شەتەلدٸك ازامات بولسا دا, مۇنداي ٸستەر بويىنشا قازاقستان سوتىنا ارىزدانۋعا بولادى.
كەشە مەن الماتى قالاسى, المالى اۋداندىق سوتىنا وسىنداي شاعىم تٷسٸردٸم. سوتتان سۇرايتىنىم تەك بٸر نەرسە. كەوسايان ايتقان سٶزٸن تەرٸسكە شىعارىپ, يۋتۋب ارناسىنا جاڭا ۆيدەو جارييالاسىن. ودان باسقا ەشتەڭە قاجەت ەمەس", - دەپ جازدى زاڭگەر Facebook-تەگٸ پاراقشاسىندا.
ەسكە سالا كەتەيٸك, جەلٸدە رەسەيلٸك تەلەجٷرگٸزۋشٸ تيگران كەوساياننىڭ قازاقستانعا سەس كٶرسەتە سٶيلەگەن ۆيدەوسى تاراعان ەدٸ. ول "ۋكرايناعا قاراپ, جاقسىلاپ ويلانىڭدار, وڭ-سولدارىڭدى دۇرىستاپ تانىڭدار" دەگەن ماعىنادا ٷن قاتقان بولاتىن.
كٶپ ۇزاماي قازاقستان سىرتقى ٸستەر مينيسترلٸگٸ رەسەيلٸك جۋرناليستٸڭ داۋلى مەلٸمدەمەسٸنە قاتىستى پٸكٸر بٸلدٸرگەن ەدٸ.
ەلٸمٸزگە سەس كٶرسەتكەن كەوسايان جۋىردا تاعى دا شۋلى مەلٸمدەمە جاساپ, قانداي دا بٸر شەكتەۋلەرگە قاراماستان, قازاقستانعا كەلەتٸنٸن ايتتى.
