قازاقستاندىق ۆاكتسينا كلينيكالىق سىناقتىڭ ٷشٸنشٸ كەزەڭٸنەن ٶتٸپ جاتىر. بۇل تۋرالى ورتالىق كوممۋنيكاتسييالار قىزمەتٸندە ٶتكەن بريفينگٸدە ايتىلدى, دەپ حابارلايدى "ۇلت اقپارات".
«قازٸرگٸ ۋاقىتتا قازاقستاندىق ۆاكتسينا جاسالىپ قويدى. ول كلينيكالىق سىناقتىڭ ٷشٸنشٸ كەزەڭٸنەن ٶتٸپ جاتىر. 3 000 ەرٸكتٸ ۆاكتسينا قابىلدادى. ارادا 21 كٷن ٶتكەننەن كەيٸن ەكٸنشٸ مەرتە قابىلدايدى. بۇل زەرتتەۋ جۇمىسى انونيمدٸ تٷردە جٷزەگە اسۋدا», - دەپ اتاپ ٶتتٸ قر دەنساۋلىق ساقتاۋ مينيسترٸ الەكسەي تسوي.
ول مەملەكەتتٸك قىزمەتكەرلەردٸڭ بٸرقاتارى ۆاكتسينا قابىلداعانىن ايتتى.
«قانداي مەملەكەتتٸك قىزمەتكەرلەر ۆاكتسينا قابىلداعانىن ٶزدەرٸڭٸز دە بٸلەسٸزدەر. ولاردىڭ اراسىندا مەملەكەت باسشىسىنىڭ كٶمەكشٸسٸ ەرلان قارين جەنە جامبىل وبلىسىنىڭ ەكٸمٸ بەردٸبەك ساپارباەۆ بار», - دەيدٸ ول.
