قازاقستاندىق تەننيسشٸلەر اقش-تاعى تۋرنيردٸڭ فينالىنا شىقتى

قازاقستاندىقتار اندرەي گولۋبەۆ پەن الەكساندر نەدوۆەسوۆ جۇپتىق سىندا ورلاندو (اقش) چەللەندجەر تۋرنيرٸنٸڭ فينالىنا شىقتى, دەپ حابارلايدى "ۇلت اقپارات".

دودانىڭ 2-راكەتكاسى بولىپ تٸركەلگەن ا.گولۋبەۆ پەن ا.نەدوۆەسوۆ جارتىلاي فينالدا فرانتسييالىقتار ساديو دۋمبييا مەن فابەن رەبۋلمەن كەزدەستٸ.

قازاقستاندىق جۇپ 1 ساعات 18 مينۋتقا سوزىلعان بەسەكەدە 6:3, 7:5 ەسەبٸمەن جەڭٸسكە جەتتٸ.

ا.گولۋبەۆ پەن ا.نەدوۆەسوۆ فينالدا وسى تۋرنيردٸڭ 1-راكەتكالارى, مەكسيكالىقتار حانس حاح پەن ميگەل-انحەل رەيەس-ۆارەلا نەمەسە امەريكالىقتار ميتچەلل كريۋگەر مەن دجەكسون ۋيتروۋ جۇپتارىنىڭ قاي جەڭگەنٸمەن كەزدەسەدٸ.

تاعى بٸر قازاقستاندىق دميتريي پوپكو جەكەلەي سىندا جارتىلاي فينالعا شىعا المادى. ول ٷندٸستاندىق پرادجنەش گۋننەسۆاراننان 0:6, 3:6 ەسەبٸمەن ۇتىلىپ قالدى.