قازاقستاننىڭ جۇپتىق سىنداعى بٸرٸنشٸ, ەلەمنٸڭ 22-راكەتكاسى اننا دانيلينا فرانتسيياداعى بيارريتسە W60 تۋرنيرٸنٸڭ فينالىنا شىقتى, دەپ حابارلايدى قازاقپارات.
جارىستىڭ بٸرٸنشٸ راكەتكاسى بولىپ تٸركەلگەن ا.دانيلينا مەن ۋكراينالىق ۆالەرييا ستراحوۆا جارتىلاي فينالدا بەلگييالىقتار ماري بەنۋا – يسالين بوناۆانتيۋرمەن كەزدەستٸ.
قازاقستاندىق-ۋكراينالىق جۇپ 1 ساعاتتان استام ۋاقىتقا سوزىلعان ماتچتا 6:3, 6:2 ەسەبٸمەن جەڭٸسكە جەتتٸ.
ا.دانيلينا مەن ۆ.ستراحوۆا فينالدا ارگەنتينالىق مارييا لۋردەس كارلە – رەسەيلٸك مارييا تيموفەەۆامەن باس جٷلدەنٸ ساراپقا سالادى.
ا.دانيلينا جەكەلەي سىندا فرانتسييالىق ليۋسي نگۋەن-تاننان 3:6, 4.6 ەسەبٸمەن ۇتىلىپ, جارتىلاي فينالعا ٶتە المادى.
ەلەنا رىباكينا رەسەيلٸك ليۋدميلا سامسونوۆامەن بٸرگە حەرتوگەنبوس (نيدەرلاندى) WTA 250 تۋرنيرٸنٸڭ شيرەك فينالىنا شىعا المادى. ولار اۋسترالييالىق ەللەن پەرەس – سلوۆەنييالىق تامارا زيدانشەكپەن ٶتكەن ماتچتا ەسەپ 6:1, 6:7 (6:8) بولعاننان كەيٸن بەسەكەنٸ جالعاستىرۋدان باس تارتتى.
ەرلەر اراسىندا قازاقستاندىق الەكساندر نەدوۆەسوۆ پەكستاندىق ايسام كۋرەشيمەن بٸرگە شتۋتگارت ATP 250 دوداسىنىڭ شيرەك فينالىندا كانادالىق دەنيس شاپوۆالوۆ – ٷندٸستاندىق روحان بوپانناعا جول بەردٸ – 4:6, 6:3, 9:11.
ميحايل كۋكۋشكين نوتتينگەم (ۇلىبريتانييا) چەللەندجەر جارىسىنىڭ شيرەك فينالىندا اۋسترالييالىق دجوردان تومپسوننان ايلاسىن اسىرا المادى – 2:6, 6:4, 3:6.
م.كۋكۋشكين جۇپتىق سىندا دا اۋسترالييالىق دجون ميللمانمەن بٸرگە شيرەك فينالدا ۇلىبريتانييالىقتار دجۋليان كەش – انري پاتتەننەن جەڭٸلٸس تاپتى – 3:6, 2:6.
