قازاقستاندىق تاەكۆوندوشى جانسەل دەنيز جاڭارتىلعان ەلەمدٸك رەيتينگٸدە كٶش باسىنا كٶتەرٸلدٸ, دەپ حابارلايدى قازاقپارات.
بۇل قازاقستان تاەكۆوندوسى تاريحىندا تۇڭعىش رەت بولىپ وتىر.
ەيەلدەر اراسىندا 73 كەلٸگە دەيٸنگٸ سالماقتا دەنيز 139.81 بالمەن بٸرٸنشٸ ورىندا كەلەدٸ. رەسەيلٸك پولينا حان (107.94) ەكٸنشٸ, وڭتٷستٸككورەيالىق دا بين لي (105.60) ٷشٸنشٸ ساتىدا.
جانسەل بۇرىنعى نۇسقادا تٶرتٸنشٸ ورىندا ەدٸ.
ٶز سپورتتىق جولىندا دەنيز 2017 جىلى تايبەيدە جازعى ۋنيۆەرسيادادا جەنە 2018 جىلى دجاكارتادا (يندونەزييا) ٶتكەن ازييا ويىندارىندا كٷمٸس مەدالعا قول جەتكٸزدٸ. سونداي-اق ول – تٷرلٸ حالىقارالىق تۋرنيرلەردٸڭ چەمپيونى ھەم جٷلدەگەرٸ.
«مەنٸڭ ارمانىم الىستا بولىپ كٶرٸنگەنٸمەن, ول ورىندالدى. مەن بٷگٸن شىققان جاڭارتىلعان ەلەمدٸك رەيتينگٸدە بٸرٸنشٸ ورىنعا يە بولدىم. بۇل قازاقستان تاەكۆوندوسى تاريحىندا العاش رەت بولىپ وتىر. مەن جالعىز جاناشىرىم – اناما العىس ايتقىم كەلەدٸ. ٶكٸنٸشكە قاراي, جولىمدا جەڭٸلٸستەر, ساتقىندىق, الداۋ دا از بولعان جوق. بٸراق, ەلحامدۋليللاھ, مەن وسىندامىن. قۋانىشىمدى بٶلٸسكەندەردٸڭ بەرٸنە راحمەت. سونداي-اق بارلىق مۇسىلمان قاۋىمىن قاسيەتتٸ رامازان ايىنىڭ باستالۋىمەن قۇتتىقتايمىن. دۇعا-تٸلەكتەرٸڭٸز قابىل بولسىن!
P.S. مىنا سۋرەتكە 10 جىل بۇرىن تٷسٸپ ەدٸم. ماعان ٶز ارمانىمدى جازۋدى ٶتٸنگەن. مەن ەلەمدە №1 بولعىم كەلەدٸ دەپ جازدىم», دەپ جازدى جانسەل دەنيز Instagram-داعى پاراقشاسىندا.
