قازاقستاندىق سۋرەتشٸ سەۋلە دٷيسەنبينانىڭ «Objective ornament II» اتتى تۋىندىسىن لوس-اندجەلەستٸڭ LACMA اتتى ٶنەر مۋزەيٸ ارنايى ساتىپ الدى, دەپ حابارلايدى "ۇلت اقپارات".
«بۇل كارتينا حVIII عاسىردا ٶمٸر سٷرگەن يسپان سۋرەتشٸسٸ فرانسيسكو گوييانىڭ تۋىندىسىنا ۇقساس. سۋرەت 2018 سالىندى, وندا پاراللەلدٸ ەلەم مەن قازاقتىڭ ۇلتتىق باس كيٸمٸ ارقىلى بٸزدٸڭ قازٸرگٸ ٶمٸرٸمٸز بەينەلەنگەن. مەن ٶزٸم امەريكادا گاللەرييادا جۇمىس ٸستەيمٸن. اعىمداعى جىلدىڭ كٶكتەمٸندە نيۋ-يوركتە ورتاازييالىق بٸرنەشە سۋرەتشٸنٸڭ توپتىق كٶرمەسٸ ٶتتٸ. ونىڭ ٸشٸندە قازاقستاننان مەنٸڭ تۋىندىلارىم, سونىمەن قاتار ٶزبەكستان مەن قىرعىزستان سۋرەتشٸلەرٸنٸڭ ەڭبەگٸ بولدى. كٶرمەنٸ سالانىڭ كەسٸبي ماماندارىمەن قاتار ٶنەرگە قىزىعۋشىلار تاماشالادى, مەنٸڭ جۇمىسىم كٶرمەدەن سوڭ ساتىلدى. ٶزٸم كەسٸبي سۋرەتشٸمٸن جەنە بۇل سالادا بٸراز جىلدار ەڭبەكتەنٸپ كەلەمٸن. نەگٸزگٸ تاقىرىبىم كەسكٸندەمە, گرافيكا جەنە اننيماتسييا. جۇمىسىم بارىسىندا بارلىق زاماناۋي تەحنيكا مەن تەحنولوگييالار مٷمكٸندٸگٸن قولدانامىن», - دەيدٸ س. دٷيسەنبينا.
اۆتوردىڭ ايتۋىنشا, لوس-اندجەلەستٸڭ ٶنەر مۋزەيٸ ساتىپ العان كارتينا بۇعان دەيٸن قازاقستاندا كٶرمەگە قويىلعان.
«ۇلى دالانىڭ تاريحى» اتتى كٶشپەلٸ كٶرمەنٸڭ اياسىندا بۇل تۋىندى شىمكەنت, تاراز جەنە تالدىقورعان قالالارىندا كٶپشٸلٸكتٸڭ نازارىنا ۇسىنىلدى. تالدىقورعاندا ٶتكەن كٶرمە كەزٸندە جۇمىسقا قارسى بولىپ, ونى كٶرمەدەن الىپ تاستاۋدى سۇراعاندار بولدى. ونىڭ سەبەبٸ قازاقتىڭ ۇلتتىق باس كيٸمٸن كيگەن قىزدىڭ اياعىنىڭ اشىق بولۋى. ياعني, قازاقتىڭ باس كيٸمٸن قورلادى دەگەن جەلەۋ. سودان سوڭ ماعان تۋىندىمنىڭ كٶزدەگەن ماعىناسىن تٷسٸندٸرۋٸمە تۋرا كەلدٸ. نەتيجەسٸندە كارتينا كٶرمەنٸڭ سوڭىنا دەيٸن تۇردى», - دەيدٸ ول.
