وسى اپتادا ۆەناداعى اتاقتى باروككو زالىندا قازاقستاندىق وپەرا ەنشٸسٸ ايگٷل شامشيدەنوۆانىڭ جەكە كونتسەرتٸ ٶتتٸ. كلاسسيكالىق مۋزىكانىڭ استاناسى سانالاتىن قالادا 27 جاستاعى سوپرانونىڭ ٶنەرٸن تاماشالاۋعا كەلگەن حالىققا زال لىق تولدى.
ۆەناداعى كونتسەرتكە ەلەمنٸڭ تٷكپٸر-تٷكپٸرٸنەن كەلگەن ٶنەسٷيەر قاۋىممەن بٸرگە كٶپتەگەن تانىمال ەرتٸستەر, مۋزىكانتتار مەن ديپلوماتتار قاتىستى. قوناقتاردىڭ اراسىندا وپەرالىق ەنشٸ مارچەللا چەرنو, ۆەنا بالىنىڭ ديرەكتورى ەليزابەت سماگين-مەللوني, فرانتسيياداعى قازاقستاننىڭ بۇرىنعى ەلشٸسٸ بەرلين يريشەۆ بولدى.
«ەر كەلگەن قوناققا ٷلكەن العىسىمدى بٸلدٸرگٸم كەلەدٸ. قاتتى تولقىپ تۇرمىن, كونتسەرتتٸك باعدارلامانى جوعارى دەڭگەيدە ورىنداپ شىعۋعا بارىنشا تىرىستىم. ۆەنالىق راتۋش زالىندا, ونىڭ ٷستٸنە ەلەمدەگٸ ەڭ تانىمال Fazioli رويالٸنٸڭ سٷيەمەلەدەۋٸمەن ٶنەر كٶرسەتۋ مەن ٷشٸن ٷلكەن جاۋاپكەرشٸلٸك», - دەپ ايگٷل ٶز ەسەرٸمەن بٶلٸستٸ.
كونتسەرت بارىسىندا قازاق قىزى شۆەيتسارييالىق ەليزابەت سيسي مالەرمەن قوسىلىپ دۋەت قۇردى. ەليزابەت - «كارنەگي حولل», «Vienna Konzerthaus» سىندى ەلەمدٸك ساحنالاردا ٶنەر كٶرسەتكەن تانىمال وپەرا ەنشٸسٸ. قوس تالانتتىڭ جاراسىمدى دۋەتٸ بٷگٸندە كەسٸبي مامانداردىڭ قىزىعۋشىلىعىن تۋدىرعانى انىق.
كونتسەرت باعدارلاماسىندا روسسيني, بەلليني, دونيتسەتتي, ۆەردي, شارپانتە سىندى كومپوزيتورلاردىڭ شىعارمالارى ورىندالدى. وپەرا سالاسىنداعى ساراپشى مامانداردىڭ ايتۋىنشا, ايگٷل سەكٸلدٸ باي رەپەرتۋاردى جيناپ, ونى ورىنداۋعا ەلەمدەگٸ ساناۋلى ەنشٸلەردٸڭ عانا شاماسى جەتەدٸ.
ۆەنادا ٶتكەن كونتسەرتتەن كەيٸن ايگٷلگە دەل وسى باعدارلامامەن ەۋروپا, وڭتٷستٸك جەنە سولتٷستٸك امەريكا بويىنشا تۋرنە جاساۋعا ۇسىنىس تٷستٸ. سونىمەن قاتار ەنشٸ وسى جىلدىڭ ماۋسىم ايىندا ۆەنادا ٶتەتٸن گالا كونتسەرتتٸڭ شىمىلدىعىن اشپاق.
ال وعان دەيٸن, 21 سەۋٸر كٷنٸ ايگٷل شامشيدەنوۆا نۇر-سۇلتاندا ٶتەتٸن Astana Opera La regata-دا قازاقستاندىق كونتر-تەنور باتىرجان سماكوۆپەن بٸرگە ٶنەر كٶرسەتەدٸ.
ايگٷل شامشيدەنوۆا تالدىقورعان قالاسىندا دٷنيەگە كەلگەن. جەنييا ەۋبەكٸروۆا اتىنداعى كوللەدجدەن مۋزىكالىق بٸلٸم الىپ, كەيٸن ۆەنا كونسەرۆاتوريياسىن تەمامداعان. بٷگٸنگٸ تاڭدا ول اتالمىش كونسەرۆاتورييادا ماگيسترلٸك بٸلٸم الۋمەن قاتار, Mahler فيلارمونيياسىنىڭ جەتەكشٸ سوليسٸ بولىپ قىزمەت اتقارادى.
