قازاقستاندىق مۋلتسەريالدار ەندٸ امەريكا قۇرلىعىندا كٶرسەتٸلەدٸ. بۇل تۋرالى «بالاپان» ارناسىنىڭ ديرەكتورى ماقپال جۇماباي ەلەۋمەتتٸك جەلٸدەگٸ پاراقشاسىندا ايتتى, دەپ حابارلايدى "ۇلت اقپارات".
«الداعى ۋاقىتتا «Balapan» ارناسىنىڭ 5 انيماتسييالىق جوباسى اقش-تا كابەلدٸك ارنالار, ال لاتىن امەريكاسى ەلدەرٸندە VOD جەنە ونلاين-كانالدار ارقىلى كٶرسەتٸلەدٸ. ەندٸ «تىنىمسىز شٶجەلەر», «سەبي», «ەركەلەر», «شاحمات پاتشالىعى», «پىراقتار» جوبالارىن اتالعان ەلدەردە اعىلشىن, يسپان جەنە پورتۋگال تٸلدەرٸندە كٶرۋ مٷمكٸندٸگٸ بار. كەلٸسٸمشارت اقش-تىڭ جەلٸلٸك جەنە سپۋتنيكتٸك حابار تاراتۋ قىزمەتٸن جٷزەگە اسىراتىن «Olympusat» كومپانيياسىمەن جاسالدى», - دەدٸ م. جۇماباي.
سونىمەن قاتار, ول «Balapan»-نىڭ انيماتسييالىق جوبالارى رەسەيدەگٸ №1 ونلاين-كينوتەاتر سانالاتىن IVI.RU پلاتفورماسىنا جٷكتەلگەنٸن جەتكٸزدٸ.
«ەندٸ «كٷلكٸ ٸزدەگەن كٷنەكەي», «سەبي», «ەركەلەر» مۋلتسەريالدارىن اتالعان پلاتفورمادان تاماشالاۋعا بولادى. ايتا كەتۋ كەرەك, IVI.RU پلاتفورماسىنىڭ كونتەنتٸ بٸر ايدا 50 ميلليونعا جۋىق قارالىم جينايدى», - دەپ تولىقتىردى ول.
