فوتو: قر وام
1 سەۋٸر - 15 مامىر ارالىعىندا ەلٸمٸزدٸڭ بٸلٸم بەرۋ ۇيىمدارىندا بٸلٸم ساپاسىن باعالاۋعا ارنالعان PIRLS-2026 جەنە TIMSS-2027 حالىقارالىق زەرتتەۋلەرٸ ٶتكٸزٸلەدٸ. PIRLS-2026 زەرتتەۋٸنٸڭ التىنشى تسيكلٸنە 50-دەن استام ەل قاتىسۋدا, دەپ حابارلايدى Ult.kz.
PIRLS - 4-سىنىپ وقۋشىلارىنىڭ وقۋ ساۋاتتىلىعىن باعالاۋعا باعىتتالعان حالىقارالىق زەرتتەۋ. قازاقستان اتىنان زەرتتەۋگە 219 مەكتەپتەن 8800-دەن استام وقۋشى قاتىسادى. سونىمەن قاتار زەرتتەۋ ساۋالناماسىنا 8800 - گە جۋىق اتا-انا, 400-گە جۋىق مۇعالٸم جەنە 219 بٸلٸم بەرۋ ۇيىمىنىڭ باسشىسى قاتىسادى.
ايتا كەتەيٸك, قازاقستان PIRLS زەرتتەۋٸنە 2016 جىلدان بەرٸ قاتىسىپ كەلەدٸ. اعىمداعى تسيكلدٸڭ ەرەكشەلٸگٸ - زەرتتەۋدٸڭ كومپيۋتەرلٸك فورماتقا كٶشۋٸ. PIRLS-2026 نەتيجەلەرٸ 2027 جىلدىڭ جەلتوقسان ايىندا جارييالانىپ, باستاۋىش بٸلٸم بەرۋ جٷيەسٸنٸڭ وقۋ باعىتىنداعى تيٸمدٸلٸگٸن باعالاۋعا, وقىتۋ ساپاسىن ارتتىرۋ بويىنشا ۇسىنىمدار ەزٸرلەۋگە جەنە وقۋشىلاردىڭ وقۋ ساۋاتتىلىعىن دامىتۋعا مٷمكٸندٸك بەرەدٸ.
سونىمەن قاتار, ەلٸمٸزدٸڭ 10 ٶڭٸرٸندە 4 جەنە 8-سىنىپ وقۋشىلارىنىڭ ماتەماتيكا جەنە جاراتىلىستانۋ پەندەرٸ بويىنشا بٸلٸمٸن باعالاۋعا باعىتتالعان TIMSS-2027 حالىقارالىق زەرتتەۋٸنٸڭ اپروباتسيياسى ٶتەدٸ. اپروباتسيياعا 35 مەكتەپتەن 2500-دەن استام وقۋشى قاتىسادى. تەستٸلەۋ كومپيۋتەرلٸك فورماتتا جٷرگٸزٸلەدٸ.
TIMSS-2027 حالىقارالىق زەرتتەۋٸنٸڭ نەگٸزگٸ كەزەڭٸ 2027 جىلدىڭ سەۋٸ-مامىر ايلارىنا جوسپارلانعان. الىنعان دەرەكتەر وقۋ باعدارلامالارىن جەتٸلدٸرۋگە, مەكتەپتەر مەن پەداگوگتەرگە ارنالعان ەدٸستەمەلٸك ۇسىنىمدار ەزٸرلەۋگە, سونداي-اق بٸلٸم بەرۋ پروتسەسٸنٸڭ ساپاسىن ارتتىرۋعا مٷمكٸندٸك بەرەدٸ.
