Foto: QR OAM
1 sáýir - 15 mamyr aralyǵynda elimizdiń bilim berý uiymdarynda bilim sapasyn baǵalaýǵa arnalǵan PIRLS-2026 jáne TIMSS-2027 halyqaralyq zertteýleri ótkiziledi. PIRLS-2026 zertteýiniń altynshy tsikline 50-den astam el qatysýda, dep habarlaidy Ult.kz.
PIRLS - 4-synyp oqýshylarynyń oqý saýattylyǵyn baǵalaýǵa baǵyttalǵan halyqaralyq zertteý. Qazaqstan atynan zertteýge 219 mektepten 8800-den astam oqýshy qatysady. Sonymen qatar zertteý saýalnamasyna 8800 - ge jýyq ata-ana, 400-ge jýyq muǵalim jáne 219 bilim berý uiymynyń basshysy qatysady.
Aita keteiik, Qazaqstan PIRLS zertteýine 2016 jyldan beri qatysyp keledi. Aǵymdaǵy tsikldiń ereksheligi - zertteýdiń kompiýterlik formatqa kóshýi. PIRLS-2026 nátijeleri 2027 jyldyń jeltoqsan aiynda jariialanyp, bastaýysh bilim berý júiesiniń oqý baǵytyndaǵy tiimdiligin baǵalaýǵa, oqytý sapasyn arttyrý boiynsha usynymdar ázirleýge jáne oqýshylardyń oqý saýattylyǵyn damytýǵa múmkindik beredi.
Sonymen qatar, elimizdiń 10 óńirinde 4 jáne 8-synyp oqýshylarynyń matematika jáne jaratylystaný pánderi boiynsha bilimin baǵalaýǵa baǵyttalǵan TIMSS-2027 halyqaralyq zertteýiniń aprobatsiiasy ótedi. Aprobatsiiaǵa 35 mektepten 2500-den astam oqýshy qatysady. Testileý kompiýterlik formatta júrgiziledi.
TIMSS-2027 halyqaralyq zertteýiniń negizgi kezeńi 2027 jyldyń sáýi-mamyr ailaryna josparlanǵan. Alynǵan derekter oqý baǵdarlamalaryn jetildirýge, mektepter men pedagogterge arnalǵan ádistemelik usynymdar ázirleýge, sondai-aq bilim berý protsesiniń sapasyn arttyrýǵa múmkindik beredi.
