ارالاس جەكپە-جەكتەن ەلەم چەمپيونى, قازاقستاندىق مارييا اگاپوۆا مما بويىنشا ەڭ ٸرٸ پروموۋشن - Ultimate Fighting Championship (UFC) سپورتشىلارى قاتارىندا تۋرنيرلەرگە قاتىساتىن بولدى, دەپ حابارلايدى "ۇلت اقپارات".
اگاپوۆا UFC قاتارىنا بىلتىرعى تامىز ايىندا-اق ٶتٸپ كەتەر ەدٸ, دەگەنمەن امەريكالىق ترەيسي كورتەستەن ۇتىلىپ, كەلٸسٸمشارتتان قۇر قالىپ قويدى. وسى جەڭٸلٸستەن كەيٸن مارييا Invicta FC پروموۋشنى اياسىندا ەكٸ مەرتە ايقاسقا شىقتى.
قىركٷيەك پەن قازانداعى جەكپە-جەكتە ول قارسىلاستارى امەريكالىق الەكسا كوننەرس پەن برازيلييالىق ماريلييا سانتوستى بٸرٸنشٸ راۋندتا ۋاقىتىنان بۇرىن جەڭدٸ. وسى جەتٸستٸكتەردٸڭ ارقاسىندا UFC اگاپوۆاعا قايتادان نازار اۋداردى.
سپورتتاعى جاڭا بەلەسٸ تۋرالى مارييا ٶزٸنٸڭ Instagram پاراقشاسىندا جازدى.
«ارماندار ورىندالادى. مەنٸڭ بٸر تاتۋىمدا وسىلاي دەپ جازىلعان. مەن ونى بٸلەتٸنمٸن. بٷگٸن مەن ٶمٸر بويى كٶكسەپ, تەر تٶككەن ماقسات ورىندالدى. باپكەرلەرٸمە, مەنەدجەرلەر مەن سەرٸكتەستەرٸمە كٶپ راحمەت. مەن تٸپتٸ ٷمٸتٸم ٷزٸلٸپ, ارمانىم ەندٸ ورىندالمايدى دەپ تٷڭٸلگەن كەزدەردە دە جاتتىعۋ ٷشٸن زالعا باراتىنمىن. ال ەندٸ مەن UFC قاتارىندامىن, 2020 جىلى وسى جەردە جەكپە-جەككە شىعامىن. مۇندا بٷكٸل ەلەمنەن سپورتشىلار جينالعان – بٸز بٸر ٷلكەن وتباسىمىز. وسى وتباسىنىڭ مٷشەسٸ اتانعانىم ٷشٸن ٶتە باقىتتىمىن. جاقىندا كٸتاپ جازامىن. بارلىق جانكٷيەرٸمە راحمەت. قولداۋ كٶرسەتكەن دوستارىما مىڭ العىس. وسى ۋاقىت ارالىعىندا بٸر نەرسەنٸ تٷسٸندٸم – جانىڭدا جٷرگەندەردٸڭ بەرٸ دوس ەمەس, سەنٸ ۇرعانداردىڭ بەرٸ دۇشپان ەمەس», - دەپ جازدى مارييا اگاپوۆا.
