حالىقارالىق قارتتار كٷنٸنە وراي «ازاماتتارعا ارنالعان ٷكٸمەت» مەملەكەتتٸك كورپوراتسيياسى زەينەتاقى الاتىن زەينەتكەرلەر جٶنٸندەگٸ مەلٸمەتتٸ بٶلٸستٸ. بٷگٸندە قازاقستاندا 2,2 ملن زەينەتكەر بار, دەپ حابارلايدى قازاقپارات.
زەينەتاقى الۋ قىزمەتٸن رەسٸمدەۋمەن مەملەكەتتٸك كورپوراتسييا فيليالدارىنىڭ ەلەۋمەتتٸك قامسىزداندىرۋ بٶلٸمدەرٸ اينالىسادى.
ونداعى مەلٸمەتتەرگە سەيكەس, زەينەتكەرلەردٸڭ باسىم كٶپشٸلٸگٸ الماتى وبلىسىندا تۇرادى – 234 043 ادام.
ەكٸنشٸ ورىندا شىعىس قازاقستان وبلىسى – 233 109 ادام, رەيتينگ ٷشتٸگٸن الماتى قالاسى تٷيٸندەيدٸ – 229 994 ادام.
زەينەتكەرلەردٸڭ ەڭ ازى - ماڭعىستاۋ (55 388), اتىراۋ (61 252) جەنە قىزىلوردا (76 423) وبلىستارىندا تۇرادى.
«1 قازاندا حالىقارالىق قارتتار كٷنٸ اتاپ ٶتٸلەدٸ. بۇل مەرەكە ٷلكەندەردٸ قۇرمەتتەپ, اتالار مەن ەجەلەرٸمٸزگە كٶڭٸل بٶلۋگە شاقىرادى. مەملەكەتتٸك كورپوراتسييا زەينەت جاسىنداعى قىزمەت الۋشىلارعا قاشاندا كٶپ كٶڭٸل بٶلۋگە تىرىسادى. بٸزدە زەينەتكەرلەردٸڭ ٷيٸنە بارىپ قىزمەت كٶرسەتەتٸن موبيلدٸ حقو بار. ەر بٶلٸمدە زەينەتكەرلەر كەزەك كٷتپەستەن مەملەكەتتٸك قىزمەتتەردٸ الا الاتىن جەڭٸلدٸك تەرەزەسٸ بار. ەكٸ جىلدان بەرٸ كورپوراتسييا پرواكتيۆتٸ تەسٸلمەن زەينەتكە شىعۋ مٷمكٸندٸگٸن سىناپ كەلەدٸ. بۇل بولاشاق زەينەتكەر زەينەت جاسىنا جەتكەندە, بارلىعىن پرواكتيۆتٸ تٷردە رەسٸمدەۋدٸ ۇسىناتىن SMS-كە جاۋاپ بەرۋ ارقىلى رەسٸمدەلەتٸن قىزمەت. بٸز بارشاڭىزعا دەنساۋلىق پەن ۇزاق عۇمىر تٸلەيمٸز», – دەدٸ «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسقارما تٶراعاسى ەدٸل قوجىقوۆ.
قازٸر زەينەتكە شىعۋ ٷشٸن حقو-عا جٷگٸنۋ قاجەت.
ول ٷشٸن بولاشاق زەينەتكەر كەلەسٸ قۇجاتتاردى ٶتكٸزەدٸ: جاسىنا بايلانىستى زەينەتاقى تٶلەمدەرٸن تاعايىنداۋ تۋرالى ٶتٸنٸش, جەكە كۋەلٸك جەنە ونىڭ كٶشٸرمەسٸ, تابىسى جەنە زەينەتاقى تٶلەمدەرٸ تۋرالى انىقتاما (جۇمىس بەرۋشٸ نەمەسە مەملەكەتتٸك كٸرٸس ورگانى بەرەدٸ), ەڭبەك كٸتاپشاسى نەمەسە ەڭبەك ٶتٸلٸن راستايتىن باسقا دا قۇجاتتار.
جاعدايعا قاراي ٶزگە دە قۇجاتتار سۇراتىلۋى مٷمكٸن – بٸلٸمٸ تۋرالى ديپلوم, ەسكەري بيلەت, نەكە تۋرالى كۋەلٸك, بالالاردىڭ تۋۋ تۋرالى كۋەلٸكتەرٸ جەنە باسقالار.
ەگەر زەينەتكە شىعۋشىنىڭ مٷگەدەكتٸگٸ بولسا نەمەسە جاۋىنگەرلٸك ٸس-قيمىلدارعا قاتىسسا, ەڭ جوعارى رادياتسييالىق قاتەر ايماقتارىندا تۇرسا, «قانداس» مەرتەبەسٸ بولسا, راستايتىن قۇجاتتار قوسىمشا ۇسىنىلۋى تيٸس.
زەينەتاقى تٶلەمدەرٸن رەسٸمدەۋ ٷشٸن حقو-عا زەينەت جاسىنا تولعانعا دەيٸن 10 كٷن بۇرىن جٷگٸنۋ قاجەت.
2021 جىلى قازاقستاندا ەرلەر ٷشٸن زەينەتكەرلٸك جاسى – 63 جاس, ەيەلدەر ٷشٸن – 60 جاس.
