بٷگٸن بەيجٸڭ وليمپياداسىندا بياتلوننان ەيەلدەر اراسىندا ٸز كەسۋ جارىستارى اياقتالدى, دەپ حابارلايدى قازاقپارات.
اتالعان دودادا قازاقستاندىق بياتلونشى گالينا ۆيشنەۆسكايا-شەپورەنكو قاتىسىپ, جالپى ەسەپتە وليمپيادا ويىندارىن 52-ورىنمەن اياقتادى.
بقل جارىستا باس جٷلدەنٸ نورۆەگييالىق مارتە ولسبي-رويزەلاند جەڭٸپ السا, كٷمٸس جٷلدەنٸ شۆەتسييالىق ەلۆيرا وەبەرگ قانجىعاسىنا بايلادى. ال ٷزدٸك ٷشتٸكتٸ تاعى بٸر نورۆەگييالىق بياتلونشى تيريل ەكحوفف ٶز ەنشٸسٸنە جازدى.
ەستەرٸڭٸزگە سالا كەتەيٸك, گالينا ۆيشنەۆسكايا 7-اقپان كٷنٸ بياتلوننان جەكەلەي جارىستى 44-شٸ ورىنمەن اياقتاپ, نەتيجەسٸنٸڭ ارقاسىندا ٸز كەسۋ جارىسىنا جولداما العان 60 سپورتشىنىڭ قاتارىنا ەنگەن بولاتىن.
بۇل - وتانداسىمىزدىڭ بەيجٸڭ وليمپياداسىنداعى سوڭعى جارىسى.
