فۋتبولدان قازاقستان ۇلتتىق قۇراماسىنىڭ جارتىلاي قورعاۋشىسى گەورگيي جۋكوۆ ەلەۋمەتتٸك جەلٸدەگٸ جازباسى ٷشٸن قۇرامادان شىعارىلۋى مٷمكٸن, دەپ حابارلايدى Sputnik قازاقستان.
فۋتبولشى Instagram جەلٸسٸندە پولشالىق gazetakrakowska باسىلىمىنا بەرگەن سۇقباتى جايلى ايتىپ, وقىرماندارىنىڭ سۇراعىنا جاۋاپ بەرٸپتٸ. الايدا ول قازاقستاندا ٶنەر كٶرسەتكەنٸمەن ٶزٸن شەتەلدٸك ويىنشى سيياقتى سەزٸنٸپتٸ.
"قازاقستاندا بولعان كەزدە مەنٸمەن قارىم-قاتىناس شەتەلدٸك (ويىنشىعا – Sputnik) جاسالعانداي بولدى. قولداۋ مەن قۇرمەت تيٸستٸ دەڭگەيدە كٶرسەتٸلگەن جوق. ياعني, جەرگٸلٸكتٸ فۋتبولشىلارعا كٶرسەتٸلگەندەي. مەن قايتا ەۋروپاعا ورالدىم. دەمەك, مەن بٸردەن پاتريوت بولىپ, مەملەكەتتٸ ناسيحاتتاۋىم قاجەت پە? مەن "قايراتقا" العىسىمدى بٸلدٸرەمٸن. ماعان قولداۋ كٶرسەتكەن ادامدارعا العىسىمدى ايتامىن.
قازاقستاندا مەنٸ شەتەلدٸك دەپ سانادى. مۇنداي جاعدايعا شىداۋ ٶتە قيىن. جاتتىقتىرۋشىلار (مەن قازٸر شپيلەۆسكيي تۋرالى ايتىپ تۇرعان جوقپىن) ساعان قازاق رەتٸندە, ال قازاقتار ساعان لەگيونەر رەتٸندە قارايدى. بۇل ٶتە قيىن جاعداي. ماعان وڭاي بولعان جوق. قازاقستانداعى قوعام, جۋرناليستەر, ماماندار, كوممەنتاتورلار تاراپىنان مويىنداۋ بولعان جوق. مەن قازاقستاندا بولماعان سيياقتىمىن", - دەپ جازدى ول.
قازٸرگٸ تاڭدا فۋتبولشىنىڭ Instagram-داعى @Georgyzhukov8 جەكە پاراقشاسى ٶشٸرۋلٸ. قازاقستاندىق بۇقارالىق اقپارات قۇرالدارى تاراتقان مەلٸمەتكە سەيكەس, سپورتشىنىڭ 21,2 مىڭ وقىرمانى بولعان.
ويىنشىنىڭ جەلٸدەگٸ پٸكٸرٸنە قاتىستى قازاقستان فۋتبول فەدەراتسيياسىنىڭ باس حاتشىسى ازامات ايتقوجين ٶز ويىن بٸلدٸردٸ. ول وقيعانىڭ مەن-جايىن انىقتاۋعا نيەتتٸ.
"بۇقارالىق اقپارات قۇرالدارى مەن ەلەۋمەتتٸك جەلٸلەردە قازاقستان ۇلتتىق قۇراماسىنىڭ جارتىلاي قورعاۋشىسى گەورگيي جۋكوۆتىڭ ايتقان سٶزٸ تارادى. فۋتبولشىمەن كەزدەسٸپ, سٶيلەسەمٸز. تيٸستٸ شارا قولدانامىز. ۇلتتىق قۇرامادا وينايتىن فۋتبولشىلار ەل نامىسىن ابىرويمەن قورعاۋى مٸندەت", - دەپ جازدى باس حاتشى قازاقستان فۋتبول فەدەراتسيياسىنىڭ رەسمي سايتىندا.
ايتا كەتەيٸك, الماتىلىق "قايراتتىڭ" 25 جاستاعى بۇرىنعى ويىنشىسى گەورگيي جۋكوۆ بٷگٸندە پولشانىڭ "ۆيسلا" فۋتبول كلۋبى ساپىندا ٶنەر كٶرسەتەدٸ.
