23 جاستاعى قازاقستاندىق بوكسشى سادريددين احمەدوۆ (11-0, 10 كو) مەكسيكانىڭ كۋەرناۆاكا قالاسىندا تيتۋلدىق جەكپە-جەگٸن ٶتكٸزدٸ, دەپ حابارلايدى Sports.kz.
وندا ول گوللاندييا بوكسشىسى ستيۆەن دانومەن (17-3-3, 6 كو) كەزدەستٸ. بٸرٸنشٸ ورتا سالماقتاعى جەكپە-جەك ون راۋندقا بەلگٸلەندٸ. جەڭٸمپازعا بٸردەن ٷش ايماقتىق چەمپيون بەلدٸگٸ - WBA Continental, NABF جەنە WBC Francophone بەرٸلۋٸ تيٸس بولدى.
جەكپە-جەك تٶرەشٸلەردٸڭ بٸراۋىز شەشٸمٸ بويىنشا قازاقستاندىقتىڭ جەڭٸسٸمەن اياقتالدى.
وسىلايشا, سادريددين احمەدوۆ بٸردەن ٷش بەلدٸكتٸ يەلەنٸپ, ون ەكٸنشٸ جەڭٸسٸنە قول جەتكٸزدٸ. ستيۆەن دانو وسىمەن تٶرتٸنشٸ رەت جەڭٸلدٸ.
احمەدوۆ مەكسيكادا العاش رەت جۇدىرىقتاستى. الدىڭعى ون جەكپە-جەگٸن كانادادا, بٸرەۋٸن قازاقستاندا ٶتكٸزگەن. كانادالىق Eye of the Tiger Management پروموۋتەرلٸك كومپانيياسىمەن كەلٸسٸمشارتقا وتىرعان.
سادريددين بۇعان دەيٸنگٸ جەكپە-جەگٸن 2019 جىلدىڭ جەلتوقسانىندا ارگەنتينالىق حوسە ۆيليالوبوسقا قارسى ٶتكٸزدٸ. جەكپە-جەك جەتٸنشٸ راۋندتا نوكاۋتپەن اياقتالدى.
