ساۋدا جەنە ينتەگراتسييا مينيسترلٸگٸنٸڭ القا وتىرىسىندا ۆيتسە-مينيستر جانەل كٷشٸكوۆا ەاەو اياسىندا كەيبٸر مەملەكەتتەر قازاقستان الدىنداعى مٸندەتتەمەلەرٸن ورىنداماي وتىرعانىن مەلٸم ەتتٸ, دەپ حابارلايدى قازاقپارات.
«ەۋرازييالىق ەكونوميكالىق وداقتىڭ ورتاق نارىعىنىڭ ەلەۋەتٸن تولىققاندى جٷزەگە اسىرۋعا جەكەلەگەن فاكتورلار كەدەرگٸ كەلتٸرٸپ تۇر. بٸرٸنشٸدەن, ٶزارا ساۋداعا قويىلعان كەدەرگٸلەر بار. وتاندىق تاۋارلاردىڭ ەكسپورتى ەڭ الدىمەن رەسەي نارىعىنا باعىتتالعان. سونىمەن بٸرگە رەسەيلٸك نارىقتاعى قازاقستاندىق بيزنەستٸڭ جاندانۋى - سەرٸكتەستەردٸڭ شەكتەۋ شارالارىن ەنگٸزۋٸنە سەبەپ بولىپ وتىر. بٷگٸنگٸ كٷنٸ دەلەلدەنگەن 63 كەدەرگٸنٸڭ 54-ٸ جويىلدى, ونىڭ 25-ٸ رەسەيلٸك تاراپتان قويىلعان. ونىڭ ٶزٸندە بۇل تٸزٸم تولىق ەمەس», - دەدٸ جانەل كٷشٸكوۆا ساۋدا جەنە ينتەگراتسييا مينيسترلٸگٸنٸڭ القا وتىرىسىندا.
ونىڭ ايتۋىنشا, ٷكٸمەت وسى كەدەرگٸلەردٸڭ بەرٸن انىقتاپ, ەەك الاڭىندا ولاردىڭ كٷشٸن جويۋ ٷشٸن قاجەتتٸ شارالاردى قابىلداۋدا.
«مەسەلەن, ٶتكەن جىلى قازاقستاندىق بيزنەس ٷشٸن ەڭ جاندى دەگەن 8 كەدەرگٸنٸڭ كٷشٸ جويىلدى. ولاردىڭ جالپى سوماسى 100 ميلليون دوللاردى قۇرايدى. بيزنەسپەن كەرٸ بايلانىستى جولعا قويۋ ٷشٸن قوعامدىق قابىلداۋ قىزمەتٸ قۇرىلدى. بٸزدٸڭ بيزنەستٸڭ جۇمىسىنا كەدەرگٸ كەلتٸرەتٸن تاعى 8 كەدەرگٸنٸ الىپ تاستاۋ كەرەك», - دەدٸ ول.
جانەل كٷشٸكوۆا سونىمەن قاتار ەكونوميكالىق وداقتا سەرٸكتەس مەملەكەتتەردٸڭ كەيبٸرٸ ٶزٸنە العان مٸندەتتەمەلەردٸ ورىنداماي جاتقانىن اتاپ ٶتتٸ.
«ەاەو تۋرالى كەلٸسٸمنٸڭ نەگٸزگٸ ەرەجەلەرٸ جوسپارلانعان ۋاقىتتان قالىپ بارادى. تٸپتٸ جەكەلەگەن ەرەجەلەر مٷلدە شەت قالعان. كەيبٸر كەلٸسٸمدەردٸڭ كٷشٸنە ەنۋ مەرزٸمٸ ۇزارىپ كەتتٸ. مەملەكەتتٸك ساتىپ الۋ سالاسىنداعى ۇلتتىق رەجيم تولىعىمەن ورىندالمايدى. ەاەو-داعى بەلگٸلٸ سەرٸكتەستەر ايماقتىق سەرتيفيكاتتاۋ تٷرٸندە قوسىمشا تالاپتاردى بەلگٸلەپ قويعان. بانك كەپٸلدٸكتەرٸ مەن ەسق-نى تانۋ تەرتٸبٸ مٷلدە جوق. ەاەو-عا مٷشە مەملەكەتتەردٸڭ ٸشكٸ شەكارالارىندا باقىلاۋدىڭ بارلىق تٷرٸنٸڭ جويىلعانىنا قاراماستان, ٸس جٷزٸندە باقىلاۋدىڭ جاڭا تٷرلەرٸ پايدا بولا باستادى. وسىلايشا, رەسەي فەدەراتسيياسىندا ۆەتەرينارييالىق-سانيتارلىق باقىلاۋ دەگەن شىقتى. ال فەدەرالدى كەدەن قىزمەتٸنٸڭ موبيلدٸ توپتارى ٸس جٷزٸندە كەدەندٸك باقىلاۋدى جٷزەگە اسىرادى. ەاەو-نىڭ اقپاراتتىق ينتەگراتسييالانعان جٷيەسٸ جۇمىس ٸستەۋدەن قالدى. جۋىق ارادا وسى مەسەلەلەردٸ كٶتەرەمٸز», - دەدٸ ول.
جانەل كٷشٸكوۆا ٷشٸنشٸدەن ەكونوميكالىق وداققا مٷشە مەملەكەتتەرمەن كووپەراتسييا دەڭگەيٸ مٷلدە تٶمەن ەكەنٸن العا تارتتى.
«ٶكٸنٸشكە قاراي, ەاەو-عا مٷشە مەملەكەتتەر بٸر-بٸرٸنە تەڭ سەرٸكتەس ەمەس, بەسەكەلەس رەتٸندە قارايدى. وسى باعىتتاعى جۇمىستى كٷشەيتۋ قاجەتتٸگٸن پرەمەر-مينيستر 5 اقپانداعى ەۋرازييالىق ٷكٸمەتارالىق كەڭەستٸڭ وتىرىسى بارىسىندا دا اتاپ ٶتتٸ. ٷشٸنشٸ ەلدەرمەن ساۋدا كەلٸسٸمدەرٸنٸڭ ەلەۋەتٸن بارىنشا ارتتىرۋعا مٷمكٸندٸك بەرەتٸن ىنتىماقتاستىقتى جولعا قويۋ كەرەك دەپ سانايمىز», - دەدٸ ول.
