فوتو: اشىق دەرەككٶز
جامبىل وبلىسىنىڭ تۇرعىنى ٶزٸ بٸلمەي 34 جىل بويى نەكەدە تۇرعانىن كەزدەيسوق انىقتاپ, سوتقا جٷگٸنۋگە مەجبٷر بولدى, دەپ حابارلايدى Ult.kz.
ٸس ماتەريالدارىنا سەيكەس, ەر ادام 1991 جىلى بٸر قىزبەن كەزدەسٸپ جٷرگەن. جاس جۇپ وتباسى قۇرۋدى جوسپارلاعانىمەن, ارادا تٶرت اي ٶتكەن سوڭ قارىم-قاتىناستارى ٷزٸلٸپ, ەكەۋٸ ەكٸ جاققا كەتكەن. ولار احات ورگاندارىنا بارىپ, نەكەنٸ رەسمي تٸركەمەگەن, ەشقانداي قۇجاتقا قول قويماعان جەنە نەكە تۋرالى كۋەلٸك الماعان.
كەيٸن ەرقايسىسى ٶز ٶمٸرٸن جالعاستىرعان: ەيەل ادام 1994 جىلى باسقا ازاماتپەن زاڭدى نەكەگە تۇرسا, ەر ادام 2021 جىلى شاڭىراق كٶتەرگەن.
الايدا 2025 جىلى ەر ادام بانكتٸك قوسىمشانىڭ «مەملەكەتتٸك قىزمەتتەر» بٶلٸمٸن پايدالانۋ بارىسىندا 1991 جىلى تٸركەلگەن نەكە تۋرالى اقپاراتتى بايقاپ قالعان. وسىدان كەيٸن ول بۇل نەكەنٸ جارامسىز دەپ تانۋ ٷشٸن سوتقا تالاپ-ارىز بەرگەن.
سوت بارىسىندا انىقتالعانداي, نەكەنٸ تٸركەۋ اكتٸسٸندەگٸ قولتاڭبالار تالاپكەرگە دە, جاۋاپكەرگە دە تيەسٸلٸ ەمەس, ولاردى ٷشٸنشٸ تۇلعا قويعان. سونىمەن قاتار سول جىلدارعا تيەسٸلٸ ازاماتتىق حال اكتٸلەرٸن تٸركەۋ كٸتابى ساقتاۋ مەرزٸمٸنٸڭ ٶتۋٸنە بايلانىستى جويىلعانى بەلگٸلٸ بولدى.
سوتتا تالاپكەردٸڭ جاقىن دوسى ەرٸ كٶرشٸسٸ كۋە رەتٸندە جاۋاپ بەرٸپ, ولاردىڭ نەكە تٸركەۋ رەسٸمٸنە قاتىسپاعانىن جەنە ەشقانداي قۇجاتقا قول قويماعانىن راستادى. ال احات ورگانىنىڭ ٶكٸلٸ ٷشٸنشٸ تۇلعا رەتٸندە شاقىرىلعانىمەن, سوت وتىرىسىنا كەلمەگەن.
نەتيجەسٸندە سوت 1991 جىلى نەكە تٸركەۋ زاڭ تالاپتارىن ٶرەسكەل بۇزا وتىرىپ جٷرگٸزٸلگەن دەگەن قورىتىندىعا كەلدٸ. اتاپ ايتقاندا, تاراپتار تٸركەۋ كەزٸندە جەكە قاتىسپاعان, ال مۇنداي «قاشىقتان نەكە» زاڭنامادا كٶزدەلمەگەن. وسىعان بايلانىستى نەكەنٸ تٸركەۋ تۋرالى اكت جازباسى جارامسىز دەپ تانىلدى.
