قازاقستاندىق سپورتشىلار مەكسيكانىڭ لەون قالاسىندا اۋىر اتلەتيكادان جاسٶسپٸرٸمدەر اراسىندا ٶتٸپ جاتقان ەلەم چەمپيوناتىندا تاعى ەكٸ التىن مەدال جەڭٸپ الدى, دەپ حابارلايدى قازاقپارات.
قازاقستان اۋىر اتلەتيكا فەدەراتسيياسىنان مەلٸم ەتكەندەي, ەلوردالىق 17 جاستاعى ەدٸگە ەمبەردٸ 73 كەلٸگە دەيٸنگٸ سالماقتا ٷزدٸك شىقتى.
جۇلقا كٶتەرۋدەن 134 كەلٸنٸ ەڭسەرگەن ەدٸگە بٸردەن العا كەتتٸ. ال سەرپە كٶتەرۋدەن 172 كەلٸنٸ باعىندىرىپ, ەلەمدٸك رەكورد جاسادى. قوسسايىس قورىتىندىسىندا قالعان اتلەتتەردەن قارا ٷزٸپ كەتتٸ – 306 كگ.
ٶزبەكستاندىق ديوربەك ەرماتوۆ 290 كەلٸمەن (133+157) ەكٸنشٸ, كانادالىق برايان يبانەز گەررەرو 288 كەلٸمەن (132+156) ٷشٸنشٸ ورىنعا كٶتەرٸلدٸ.
تاعى بٸر قازاقستاندىق دەنيس پولۋبويارينوۆ 81 كەلٸگە دەيٸنگٸ سالماقتا چەمپيون اتاندى. ول قوسسايىس قورىتىندىسىندا 323 كگ (143+180) نەتيجە كٶرسەتتٸ. يتالييالىق ياكوپو فالسينوتتي 293 كەلٸمەن (132+161) كٷمٸس, مەكسيكالىق ياان باررەراس 280 كەلٸمەن (119+161) قولا جٷلدەنٸ قاناعات تۇتتى.
وسىلايشا, قازاقستان قۇراماسى التىن مەدال سانىن ٷشكە جەتكٸزدٸ.
