«ٷزدٸك عىلىمي قىزمەتكەر — 2021» سىيلىعىنىڭ قورىتىندىسى بەلگٸلٸ بولدى, دەپ حابارلايدى قازاقپارات بٸلٸم جەنە عىلىم مينيسترلٸگٸنە سٸلتەمە جاساپ.
عىلىمي-زەرتتەۋ ينستيتۋتتارى مەن جوعارى وقۋ ورىندارىنىڭ 50 عالىمى جەڭٸمپاز اتاندى. ولاردىڭ ەرقايسىسى 2 000 اەك, ياعني 5 ملن 834 مىڭ تەڭگە كٶلەمٸندە كۋەلٸك پەن سىياقى الادى.
ەل پرەزيدەنتٸ ق.ك. توقاەۆ عالىمداردى قولداۋعا ەرەكشە كٶڭٸل بٶلەدٸ. مەملەكەت باسشىسىنىڭ تاپسىرماسى بويىنشا بيىل 500-گە جۋىق عالىمنىڭ عىلىمي تاعىلىمدامادان ٶتۋٸنە ستيپەندييا تاعايىندالدى, سونىمەن قاتار پوستدوكتورانتۋرا ٷشٸن جاس عالىمدارعا 1000 گرانت بٶلٸندٸ. پرەزيدەنت تاراپىنان عالىمداردى قولداۋدىڭ كەزەكتٸ شاراسى جىل سايىنعى «ٷزدٸك عىلىمي قىزمەتكەر» سىيلىعىن تاعايىنداۋ بولدى. ول عىلىم مەن تەحنيكانىڭ دامۋىنا ەلەۋلٸ ٷلەس قوسقان عالىمداردى, عىلىمي قىزمەتكەرلەردٸ قولداۋعا باعىتتالعان.
«مەملەكەت باسشىسىنىڭ تاپسىرماسى بويىنشا بٸلٸم جەنە عىلىم مينيسترلٸگٸ عالىمدار مەن عىلىمي ۇيىمداردىڭ, جوعارى جەنە جوعارى وقۋ ورنىنان كەيٸنگٸ بٸلٸم بەرۋ ۇيىمدارىنىڭ قىزمەتكەرلەرٸن جان-جاقتى قولداۋ مەسەلەلەرٸنە نازار اۋدارادى. بيىل مينيسترلٸك العاش رەت ەلٸمٸزدٸڭ ٷزدٸك عالىمدارى ٷشٸن سىياقى تاعايىندادى. كونكۋرسقا قاتىسۋعا ٶتٸنٸمدەر وسى كونكۋرس ٷشٸن ارنايى قۇرىلعان جەنە اۆتوماتتى تٷردە سەگٸز ٶلشەمشارت بويىنشا بالدارى بار اقپاراتتىق جٷيە ارقىلى قابىلداندى. عىلىمي جەتٸستٸكتەردٸ باعالاۋ كريتەرييلەرٸ عىلىمي جەنە ساراپتامالىق قاۋىمداستىقپەن بٸرگە جاسالدى. بارلىق قاتىسۋشى ٶتٸنٸم بەرۋ كەزەڭٸندە ٶز بالىن كٶرە الدى. ولاردى كوميسسييا قارادى جەنە ساراپتامالىق توپتار ۇسىنىلعان قۇجاتتاردىڭ بەكٸتٸلگەن كريتەرييلەرگە سەيكەستٸگٸن سەكتسييالاردا تەكسەردٸ. كوميسسييا مەن ساراپشىلار توبىنىڭ قۇرامىندا جەتەكشٸ عالىمدار, تەۋەلسٸز ساراپشىلار, مەملەكەتتٸك ورگانداردىڭ ٶكٸلدەرٸ, جاس عالىمدار كەڭەسٸ مەن جاس عالىمدار اليانسىنىڭ مٷشەلەرٸ جۇمىس ٸستەدٸ», — دەپ اتاپ ٶتتٸ قر بعم عىلىم كوميتەتٸنٸڭ تٶرايىمى جاننا قۇرمانعاليەۆا.
كونكۋرسقا قاتىسۋ ٷشٸن بارلىعى 7 باعىت بويىنشا 575 ٶتٸنٸم كەلٸپ تٷستٸ. ولاردىڭ اراسىندا جاراتىلىستانۋ عىلىمدارى, ينجينيرينگ جەنە تەحنولوگييالار, مەديتسينا جەنە دەنساۋلىق ساقتاۋ, ەلەۋمەتتٸك جەنە گۋمانيتارلىق عىلىمدار, اۋىل شارۋاشىلىعى جەنە ۆەتەرينارييا عىلىمدارى, ەسكەري عىلىمدار جەنە ۇلتتىق قاۋٸپسٸزدٸك عالىمدارى بولدى. نەتيجەسٸندە كوميسسييا 6 عىلىمي زەرتتەۋ ينستيتۋتتارى مەن 16 جوعارى وقۋ ورىنىنان 50 عالىمعا «ٷزدٸك عىلىمي قىزمەتكەر-2021» سىيلىعىن بەرۋ تۋرالى شەشٸم قابىلدادى.
ولاردىڭ اراسىندا ل. ن. گۋميلەۆ اتىنداعى ەۋرازييا ۇلتتىق ۋنيۆەرسيتەتٸنٸڭ پروفەسسورى راحمەتقاجى بەرسٸمباي, يادرولىق فيزيكا ينستيتۋتى فيليالىنىڭ جەتەكشٸسٸ ماكسيم زدوروۆەتس, قاراعاندى تەحنيكالىق ۋنيۆەرسيتەتٸنٸڭ پروفەسسورى اريستوتەل يساعۇلوۆ, ونكولوگييا جەنە راديولوگييا عىلىمي زەرتتەۋ ينستيتۋتىنىڭ باسقارما تٶرايىمى ديليارا قايداروۆا, ەل-فارابي اتىنداعى قازاق ۇلتتىق ۋنيۆەرسيتەتٸنٸڭ پروفەسسورى PhD دوكتورى قايرات دەۋلەتوۆ, قازاق ۇلتتىق اگرارلىق زەرتتەۋ ۋنيۆەرسيتەتٸنٸڭ پروفەسسورى قايسار تابىنوۆ جەنە باسقالار قاتىستى.
