قازاقستان قۇراماسىنىڭ بەس بوكسشىسى Thailand Open حالىقارالىق جارىسىنىڭ فينالىنا شىقتى, دەپ حابارلايدى "ۇلت اقپارات" Olympic.kz سايتىنا سٸلتەمە جاساپ.
پحۋكەتتە (تايلاند) بوكستان حالىقارالىق تۋرنير ٶتٸپ جاتىر.
69 كەلٸدە جۇدىرىقتاسقان كوماندا كاپيتانى اسلانبەك شىمبەرگەنوۆ قارسىلاسىن ەكٸنشٸ راۋندتا سۇلاتىپ تٷسٸردٸ. وتانداسىمىز تايلاندىق اتيچاي فومساپتى تازا نوكاۋتپەن جەڭٸپ, جارىستىڭ فينالىنا شىقتى.
كەشكٸ سەسسييادا 63 كەلٸدە قازاقستاندىق بوكسشىلار فينالدىق جولدامانى ٶزارا ساراپقا سالدى. جارتىلاي فينالدىق بەلدەسۋدە سۋلتان مۋسينوۆ ساناتەلٸ تٶلتاەۆتان باسىم تٷسٸپ, جارىستىڭ فيناليستٸ اتاندى.
سونداي-اق, 91 كەلٸدە ايبەك ورالباي كوماندالاسى ساعىندىق توعامبايدى جەڭٸپ, اقتىق فينالعا شىققان بولاتىن.
57 كەلٸگە دەيٸنگٸ سالماق دەرەجەسٸندە شارشى الاڭعا شىققان سەرٸك تەمٸرجانوۆ تا قازاقستاندىق فيناليستەر سانىنىن ارتتىردى. ول جارتىلاي فينالدا جەرگٸلٸكتٸ سپورتشى رۋجاكران دجۋنترونگتى 3:2 ەسەبٸمەن ۇتتى.
81 كەلٸگە دەيٸنگٸ سالماق دەرەجەسٸندە نۇربەك ورالباي جارتىلاي فينالدا جەرگٸلٸكتٸ سپورتشىمەن كەزدەسٸپ, اناۆاتا تونگكاتوكتى ەكٸنشٸ راۋندتا جارىس جولىنان ىعىستىرعان بولاتىن.
بوكسشىلارىمىزدىڭ 9 سەۋٸردە ٶتەتٸن فينالداعى قارسىلاستارى مىنالار:
57 كەلٸ. سەرٸك تەمٸرجانوۆ پەن يان كلارك باۋتيستا (فيليپپين)
63 كەلٸ. سۇلتان مۋسينوۆ پەن سومچاي ۆونگسۋۆان (تايلاند)
69 كەلٸ. اسلانبەك شىمبەرگەنوۆ پەن بۋندجونگ سينسيري (تايلاند)
81 كەلٸ. نۇربەك ورالباي مەن اشيش كۋمار (ٷندٸستان)
91 كەلٸ. ايبەك ورالباي مەن دجاككاپونگ يومحوت (تايلاند).
ەسكە سالا كەتەيٸك, ولاردان باسقا اتالعان تۋرنيردە 52 كەلٸدە اياتۋللا تەكٸجانوۆ, سەكەن بيبوسىنوۆ, 63 كەلٸدە ساناتەلٸ تٶلتاەۆ, 75 كەلٸدە تيمۋر نۇرسەيٸتوۆ, 91 كەلٸدە ساعىندىق توعامباي جارىستىڭ تٷرلٸ ساتىسىندا جارىس جولىنان شىعىپ قالدى.
