قازاقستان بياتلونشىلار وداعىنىڭ شەشٸمٸمەن اۆسترييادا ٶتٸپ جاتقان وقۋ-جاتتىعۋ جيىندارىندا سپورتتىق رەجٸم مەن تەرتٸپتٸ بۇزعانى ٷشٸن قازاقستاندىق تٶرت سپورتشى ۇلتتىق قۇراما ساپىنان شەتتەتٸلدٸ, دەپ حابارلايدى pavlodarnews.kz سايتى.
قر ۇلتتىق وليمپيادالىق كوميتەتٸنٸڭ مەلٸمەتٸنشە, قازاقستان بياتلونشىلار وداعىنىڭ پرەزيدەنتٸ ەرمەك قيزاتوۆتىڭ جەتەكشٸلٸگٸمەن وداقتىڭ تەرتٸپتٸك كوميسسيياسىنىڭ كەزەكتەن تىس جيىنى ٶتكەن. اتالعان جيىنعا قر مەدەنيەت جەنە سپورت مينيسترلٸگٸ, سونداي-اق قازاقستان ۇلتتىق وليمپيادالىق كوميتەتٸنٸڭ ٶكٸلدەرٸ قاتىستى.
«كوميسسييا قازاقستان ۇلتتىق قۇراماسىنىڭ ساپىنان تٶرت سپورتشىنى شەتتەتتٸ. ولار بياتلوننان ٶتەتٸن رەسپۋبليكالىق جەنە حالىقارالىق جارىستارعا قاتىستىرىلمايدى. اتاپ ايتار بولساق, انتون پانتوۆ - تٶرت جىلعا, تيمۋر كۋتس, ۆلاديسلاۆ ۆيتەنكو جەنە رومان ەرەمين بٸر جىلعا سپورتتان شەتتەتٸلدٸ. سپورتشىلاردىڭ بارلىعى جاتتىعۋ جيىنىنان قايتارىلعان. شەشٸمدٸ قابىلداۋعا بياتلوننان ۇلتتىق قۇراما باس باپكەرٸ ماقسات شارانوۆتىڭ راپورتى جەنە سپورتشىلار مەن باپكەرلەردٸڭ تٷسٸنٸكتەمەسٸ سەبەپ بولدى. سونداي-اق, وبەرتيللاح قالاسىنداعى وقۋ-جاتتىعۋ جيىنى كەزٸندە كوماندا مٷشەلەرٸ تۇراقتاعان اۆسترييالىق قوناقٷيدٸڭ ارىز-شاعىمى دا نازاردان تىس قالعان جوق», - دەدٸ قر ۇو كوميتەتٸنەن.
شەتتەتٸلگەندەردٸڭ قاتارىندا پاۆلودارلىق انتون پانتوۆ پەن تيمۋر كۋتس بار. رەسپۋبليكالىق بۇقارالىق اقپارات قۇرالدارىندا سپورتشىلاردىڭ وقۋ-جاتتىعۋ كەزٸندە تۇراقتاعان قوناقٷيدە الكوگولدٸك ٸشٸمدٸك ٸشٸپ, جيھازداردى سىندىرىپ, تەرتٸپ بۇزعاندارى جازىلدى.
انتون پانتوۆ pavlodarnews.kz تٸلشٸسٸنە بەرگەن سۇحباتىندا وقيعانىڭ مەن-جايىن ايتىپ بەرگەن.
«بٸز جاتقان بٶلمە لاس بولدى. ول قوناقٷيدە بٶلمەلەردٸ تازالاپ تۇرمايتىنىن بٸز بٸلگەن جوقپىز. تٷنگٸ ۋاقىتتا مەنٸڭ قۇسقىم كەلدٸ. ٶيتكەنٸ تاۋ كليماتى ماعان اۋىر تيدٸ. تاڭەرتەڭ ٶزٸمٸز جيناستىرايىق دەپ قۇرالدار سۇراتقان ەدٸك, جيناستىرۋشى كٸرٸپ, بٸزدٸ وتىرىس ۇيىمداستىرعان دەپ كٸنەلەپ, شاعىمداندى. بٶلمەدە الكوگول بولعان جوق. ول تۋرالى اقپارات بٸرەۋدٸڭ تٷسٸنٸكتەمەسٸنەن شىقتى. جيھازدىڭ سىنعانى تۋرالى شاعىمنان ٶزٸمٸز العاش ەستٸدٸك. كوميسسييانىڭ وتىرىسىنا بٸزدٸ بٸر-بٸرلەپ شاقىردى. ونشا تىڭداعىلارى دا كەلمەدٸ. مەنٸ جالعان سٶيلەپ تۇرسىڭ دەدٸ», - دەدٸ انتون پانتوۆ.
انتون پانتوۆ نەلٸكتەن ول عانا 4 جىلعا شەتتەتٸلگەنٸنە دە توقتالدى.
«2 جىل بۇرىن مەن الكوگول پايدالانعان وقيعا بولعان. ول كەزدە ەسكەرتۋ جاسالدى. سونى نەگٸزگە الىپ, مەنٸ 4 جىلعا شەتتەتٸپ وتىر. قازٸرگٸ ۋاقىتتا ٷيٸمدەمٸن. كوميسسييانىڭ رەسمي قاعازىن كٷتۋدەمٸز. قولىمىزعا تيگەن كەزدە ەرٸ قاراي نە ٸستەيتٸنٸمٸزدٸ جوسپارلايمىز. قازٸر ورنىمىزعا جاستار ٶنەر كٶرسەتٸپ جٷر. ولارعا سەنٸم ارتامىن», - دەدٸ بياتلونشى.
ەسكە سالايىق, انتون پانتوۆ بۇعان دەيٸن دوپينگ داۋىنا ٸلٸگٸپ,2018 جىلدىڭ 21 قاراشاسىندا تاعىلعان ايىپ, 2019 جىلدىڭ 24 ماۋسىمىندا الىنعان بولاتىن. ا. پانتوۆ قر حالىقارالىق دەرەجەدەگٸ سپورت شەبەرٸ, 2014 جىلعى وليمپيادانىڭ قاتىسۋشىسى. 2008 جىلدان بەرٸ حالىقارالىق دودالاردى باق سىناپ كەلەدٸ. جاستار اراسىنداعى ەلەم چەمپيوناتىنا 5 رەت قاتىسقان. ازييا چەمپيوناتىنىڭ كٷمٸس جٷلدەگەرٸ.
بٸرنەشە جىلدان بەرٸ حالىقارالىق دەڭگەيدە جارىس جولىنا شىعىپ جٷرگەن تيمۋر كۋتس بيىلعى ماۋسىمدا ەلەم كۋبوگٸندە جەنە ەكٸنشٸ دەڭگەيلٸ IBU (حالىقارالىق بياتلونشىلار وداعى) كۋبوگٸندە سىنعا تٷسٸپ جٷرگەن. ول اۆستريياداعى IBU كۋبوگٸنٸڭ 3-كەزەڭٸندە جەكەلەي جارىستا ەڭ جاقسى نەتيجەسٸن كٶرسەتٸپ, 30-ورىنعا تۇراقتاعان.
