سۋرەت اشىق دەرەككٶزدەن الىندى
سىرتقى ٸستەر ۆيتسە-مينيسترٸ رومان ۆاسيلەنكو قازاقستان بٸر ەلدٸڭ باستاماسى بويىنشا شەنگەن ايماعى كونسۋلتاتسييالارى تٸزٸمٸنە ەنگٸزٸلگەنٸن ايتتى. قازٸر سىرتقى ٸستەر مينيسترلٸگٸ تٷيتكٸلدٸ مەسەلەنٸ پىسىقتاۋ ٷشٸن بۇل قاي ەلدٸڭ ۇسىنىسى ەكەنٸن انىقتاپ جاتىر, - دەپ حابارلايدى Tengrinews.kz سايتى.
وكق-دا ٶتكەن باسپاسٶز مەسليحاتىندا جۋرناليستەردٸڭ سۇراعىنا جاۋاپ بەرگەن ۆاسيلەنكو قازاقستاندىقتار ٷشٸن "بۇل ٶزگەرٸستەن ەشقانداي قيىندىق تۋىنداماۋى كەرەك" دەپ اتاپ ٶتتٸ.
"مەسەلە مىنادا, ەۋروپالىق ەلدەردٸڭ, ايتالىق, چەحييا, سلوۆاكييانىڭ قازاقستانداعى كونسۋلى ازاماتتىڭ ٶتٸنٸشٸن قابىلداپ, ازاماتتىڭ تەگٸن قاراستىرىلاتىن جالپى جٷيەگە ەنگٸزەدٸ. بٸراق قازٸر بۇل تەكسەرۋ پروتسەدۋراسى 7 كٷنگە دەيٸن سوزىلۋى كەرەك. وسىدان كەيٸن ەلشٸلٸك مٶر قويىپ, ۆيزا بەرۋگە قۇقىلى", - دەپ تٷسٸندٸردٸ ول.
سىرتقى ٸستەر ۆيتسە-مينيسترٸ قازاقستاننىڭ تٸزٸمگە ەنۋٸنە قاي ەل باستاماشى بولعانىن انىقتاۋعا نيەتتٸ ەكەنٸن اتاپ ٶتتٸ.
"ۇزاق جىلدار بويى بۇل تٸزٸمدە بولماعان قازاقستان, وعان بٸر ەلدٸڭ باستاماسىمەن ەنگٸزٸلگەن, قايسى ەل ەكەنٸن ەزٸرشە بٸلمەيمٸز. بٸز بۇل قادامنىڭ لوگيكاسىن تٷسٸنۋ ٷشٸن, انىقتاعىمىز كەلەدٸ. بٸراق كەلٸسسٶزدەر جٷرگٸزۋ, قانداي سۇراقتارى بار ەكەنٸن بٸلۋ جەنە ت.ب. ٷشٸن ولار بۇل اقپاراتتى بٶلٸسەدٸ دەپ ٷمٸتتەنەمٸز.
بٸراق بۇل قارا تٸزٸمگە ٸلٸنۋ دەگەندٸ بٸلدٸرمەيتٸنٸن اتاپ ٶتكٸم كەلەدٸ. كونسۋلتاتسييالار تٸزٸمٸ بار, بٸراق ول قارا ەمەس. بۇل كەڭەس بەرۋ تٸزٸمٸ. بٸزدٸڭ ازاماتتارعا ۆيزا الۋدى قاراستىرۋ مەرزٸمٸ 15 كٷنگە دەيٸن. سوندىقتان بۇل ٶزگەرٸستەن بٸزدٸڭ ازاماتتارعا ەشقانداي قيىندىق بولماۋى كەرەك", - دەپ قوستى ۆاسيلەنكو.
سونىمەن قاتار, ول قازاقستاننىڭ سىرتقى ٸستەر مينيسترلٸگٸ قازاقستاندىقتار ٷشٸن ۆيزالىق رەجيمدٸ جەڭٸلدەتۋ بويىنشا كەلٸسسٶزدەر ەرتەرەك باستالۋىنا ٷمٸت ارتىپ وتىرعانىن ايتتى.
ايتا كەتەيٸك, 2022 جىلى قازاقستان البانييا جەنە اندوررامەن ٶزارا ۆيزالىق تالاپتاردان بوساتۋ تۋرالى كەلٸسٸمدەرگە قول قويعان بولاتىن. وسىعان ۇقساس كەلٸسٸم سەربييامەن دە بار جەنە چەرنوگوريياعا باراتىن ازاماتتارىمىزعا ماۋسىمدىق ۆيزاسىز رەجيم قولدانىلادى.
