فوتو: وقۋ-اعارتۋ مينيسترلٸگٸ
قازاقستاندا ەربٸر بالانىڭ تۇرعىلىقتى جەرٸنە قاراماستان ساپالى بٸلٸم الۋىنا قولايلى, قاۋٸپسٸز ەرٸ جايلى جاعداي جاساۋعا باعىتتالعان تۇراقتى مەملەكەتتٸك ساياسات جٷرگٸزٸلۋدە. سوڭعى جىلدارى ٸسكە اسىرىلىپ جاتقان اۋقىمدى مەملەكەتتٸك باعدارلامالار بۇل باعىتتا ەلەۋلٸ نەتيجەلەرگە قول جەتكٸزۋگە ىقپال ەتتٸ, دەپ حابارلايدى Ult.kz وقۋ-اعارتۋ مينيسترلٸگٸنە سٸلتەمە جاساپ.
جاڭا مەكتەپتەردٸڭ قۇرىلىسى جەنە مودەرنيزاتسييالاۋ
ەلدە جاڭا مەكتەپتەردٸڭ قۇرىلىسى قارقىندى جٷرگٸزٸلۋدە. مەملەكەت باسشىسىنىڭ تاپسىرماسىمەن سوڭعى تٶرت جىل بويى جىل سايىن 1000-عا جۋىق اۋىل مەكتەپتەرٸ مودەرنيزاتسييادان ٶتۋدە. بۇل شارالار وقۋ جاعدايلارىن جاقسارتۋعا عانا ەمەس, قالا مەن اۋىل مەكتەپتەرٸ اراسىنداعى بٸلٸم بەرۋ ساپاسىنداعى الشاقتىقتى ازايتۋعا دا مٷمكٸندٸك بەرەدٸ. سوڭعى ٷش جىلدا 4000-نان استام مەكتەپتٸڭ ماتەريالدىق-تەحنيكالىق بازاسى جاڭارتىلىپ, 2000-نان استام بٸلٸم بەرۋ ۇيىمىندا روبوتوتەحنيكا, حيمييا, بيولوگييا, فيزيكا جەنە STEM بويىنشا زاماناۋي كابينەتتەر اشىلدى. مىسالى, 2024 جىلدىڭ ٶزٸندە 967 مەكتەپتە 1621 پەندٸك كابينەت جابدىقتالعان. الداعى جوسپار بويىنشا 2029 جىلعا قاراي 7000 زاماناۋي پەندٸك كابينەت اشۋ كٶزدەلٸپ وتىر.
تسيفرلىق تەحنولوگييالاردى ەنگٸزۋ
بٸلٸم بەرۋ ساپاسىن ارتتىرۋدا تسيفرلىق تەحنولوگييالاردى ەنگٸزۋدٸڭ ماڭىزى زور. ۇلتتىق باستامالار اياسىندا مەكتەپ وقۋلىقتارىنىڭ 100%-ى تسيفرلىق فورماتقا كٶشٸرٸلدٸ, ال مەكتەپتەردٸڭ 95,2%-ى جوعارى جىلدامدىقتى ينتەرنەتكە قوسىلدى. سونىمەن قاتار, بٸلٸم بەرۋ پلاتفورمالارى ەنگٸزٸلٸپ, جاساندى ينتەللەكت ەلەمەنتتەرٸ وقۋ پروتسەسٸنە ينتەگراتسييالانۋدا. بۇل شارالار وقۋشىلاردى بولاشاقتىڭ سىن-قاتەرلەرٸنە دايىنداۋعا جەنە تسيفرلىق داعدىلاردى ەرتە جاستان قالىپتاستىرۋعا باعىتتالعان.
مۇعالٸمدەردٸ قولداۋ جەنە ولاردىڭ مەرتەبەسٸن كٶتەرۋ
بٸلٸم بەرۋ ساپاسىن ارتتىرۋدا پەداگوگيكالىق قاۋىمداستىقتىڭ كەسٸبيلٸك دەڭگەيٸ ماڭىزدى رٶل اتقارادى. مەملەكەت تاراپىنان مۇعالٸمدەردٸ قولداۋ, ولاردىڭ مەرتەبەسٸن ارتتىرۋ ماقساتىندا جٷيەلٸ جۇمىستار جٷرگٸزٸلۋدە. 2020 جىلدان بەرٸ پەداگوگتەردٸڭ جالاقىسى ەكٸ ەسە ٶستٸ, ال بٸلٸكتٸلٸك ساناتتارى بار مۇعالٸمدەرگە جالاقىسىنىڭ 35%-دان 50%-عا دەيٸن ٷستەمەاقى تٶلەنۋدە. قازٸرگٸ ۋاقىتتا 400 مىڭ پەداگوگتٸڭ 300 مىڭعا جۋىعى وسىنداي قولداۋعا يە. اۋىل مۇعالٸمدەرٸنٸڭ جالاقىسى قالالارداعى ەرٸپتەستەرٸنەن كەمٸندە 25%-عا جوعارى بولۋى ٶڭٸرلەرگە بٸلٸكتٸ كادرلاردى تارتۋعا سەپتٸگٸن تيگٸزۋدە.
ەلەۋمەتتٸك قولداۋ شارالارى
2023 جىلدىڭ قىركٷيەگٸنەن باستاپ پرەزيدەنتتٸڭ تاپسىرماسىمەن بارلىق باستاۋىش سىنىپ جەنە ەلەۋمەتتٸك وسال توپتار ساناتىنداعى وقۋشىلارعا تەگٸن ىستىق تاماق بەرۋ باستالدى. 1,7 ميلليون وقۋشىنى قامتۋ ٷشٸن جەرگٸلٸكتٸ بيۋدجەتتەردەن 192 ملرد تەڭگەدەن استام قاراجات بٶلٸندٸ. سونىمەن قاتار, اسحانا قىزمەتكەرلەرٸنە قويىلاتىن تالاپتار كٷشەيتٸلٸپ, تاماق ساپاسىنا كٷندەلٸكتٸ باقىلاۋ ەنگٸزٸلدٸ.
“جالپىعا بٸردەي بٸلٸم بەرۋ” قورى اياسىندا ەلەۋمەتتٸك وسال ساناتتاعى 510 مىڭنان استام وقۋشى مەكتەپ قۇرالدارىمەن قامتاماسىز ەتٸلدٸ. 2025 جىلدان باستاپ جەكەمەنشٸك مەكتەپ وقۋشىلارىنا دا ەلەۋمەتتٸك قولداۋ شارالارىن ەنگٸزۋ جوسپارلانۋدا.
