كورەيا رەسپۋبليكاسىنىڭ ەلشٸلٸگٸ ۇلتتىق تاعام كونكۋرسىن جارييالادى, دەپ حابارلايدى "ۇلت اقپارات".
بايقاۋ ونلاين رەجيمدە ٶتەدٸ. شارت بويىنشا, كونكۋرسقا قاتىسۋشىلار كورەي مەدەني ورتالىعىنىڭ سايتىندا جارييالانعان 23 كورەي تاعامىنىڭ بٸرٸن تاڭداۋ قاجەت. تاڭداپ الىنعان تاعامدى دايىنداۋ پروتسەسٸنٸڭ فوتوسۋرەتتەرٸن جەنە اقىرعى ٶنٸم سۋرەتٸن ٶتٸنٸممەن بٸرگە جولدايدى. ٶتٸنٸمدٸ 10 ماۋسىمعا دەيٸن كورەي مەدەني ورتالىعىنىڭ ەلەكتروندىق پوشتاسىنا جٸبەرۋ قاجەت.
ونلاين-كونكۋرسقا قاتىسۋشىلاردىڭ اسپازدىق ٶنەرٸن بٷكٸل قازاقستاندىقتار 11 مامىر مەن 22 ماۋسىم ارالىعىندا كورەي مەدەني ورتالىعىنىڭ YouTube پلاتفورماسىنان كٶرە الادى.
اقتىق سىنعا الدىن الا ٸرٸكتەلگەن 10 جۇمىس قانا ٶتەدٸ. ولاردىڭ ٸشٸنەن جەلٸ قولدانۋشىلارىنىڭ ونلاين-داۋىس بەرۋٸ ارقىلى جەنە مامانداردىڭ باعالاۋى ارقىلى 5 جەڭٸمپاز ٸرٸكتەلەدٸ.
«بايقاۋ جەڭٸمپازدارى باعالى سىيلىقتارعا يە بولادى. جٷلدەلەرمەن قاتار بارلىق قاتىسۋشىلار اراسىندا لوتەرەيا ٶتكٸزٸلەدٸ. شارا تۋرالى تولىق اقپاراتتى سٸلتەمەسٸ بويىنشا الۋعا بولادى», - دەيدٸ كورەي مەدەني ورتالىعىنىڭ ديرەكتورى لي حەران.
