فوتو: Zakon.kz
ەنەرگەتيكا مينيسترٸ ەرلان اقكەنجەنوۆ ٷكٸمەت وتىرىسىندا كٶمٸر سالاسىنىڭ قازٸرگٸ جاعدايى مەن دامۋ جوسپارلارى تۋرالى باياندادى, دەپ حابارلايدى Ult.kz.
ول قازاقستاننىڭ كٶمٸر ٶنەركەسٸبٸ ەلدٸڭ ەنەرگەتيكالىق قاۋٸپسٸزدٸگٸ ٷشٸن ماڭىزدى ەكەنٸن اتاپ ٶتتٸ.
قازاقستان كٶمٸر كەنٸنٸڭ قوماقتى قورىنا يە جەنە ەلەمدە 10-شى ورىندا تۇر, بۇل ٶندٸرۋدٸڭ قازٸرگٸ كٶلەمٸمەن العاندا 300 جىلدان استام ۋاقىتقا جەتەدٸ.
«ٸرٸ كٶمٸر كەن ورىندارى ورتالىق قازاقستاننىڭ ەكٸ نەگٸزگٸ ايماعىندا ورنالاسقان. ولار – قاراعاندى كٶمٸر باسسەينٸ مەن تورعاي كٶمٸر باسسەينٸندەگٸ شۇباركٶل جەنە جالىن كەن ورىندارى. سولتٷستٸك-شىعىس ايماقتا ەكٸباستۇز كٶمٸر باسسەينٸ, مايكٷبٸ كٶمٸر باسسەينٸ, قاراجىرا كەن ورنى بار. ەلٸمٸزدەگٸ كٶمٸر قورىنىڭ كٶلەمٸ – 33,6 ملرد توننا», — دەدٸ ەرلان اقكەنجەنوۆ.
مينيستردٸڭ ايتۋىنشا, 2026 جىلى ەلٸمٸزدە كٶمٸر ٶندٸرۋ كٶلەمٸ 128,9 ملن توننا بولادى دەپ جوسپارلانىپ وتىر. بۇل سالا ٸشكٸ نارىقتى تۇراقتى قامتاماسىز ەتە وتىرىپ, ەكسپورتقا دا تاسىمالدى ۇلعايتىپ, سول ارقىلى ٶسٸم كٶرسەتٸپ وتىر.
«ٶندٸرٸلەتٸن كٶمٸردٸڭ نەگٸزگٸ بٶلٸگٸ ٸشكٸ نارىققا جٸبەرٸلەدٸ, ول ەلەكتر ەنەرگەتيكاسىندا, كوممۋنالدىق-تۇرمىستىق سەكتوردا جەنە ٶنەركەسٸپتە پايدالانىلادى. كٶمٸر ەكسپورتىنىڭ دا دەڭگەيٸ ساقتالىپ وتىر», — دەپ اتاپ ٶتتٸ ەرلان اقكەنجەنوۆ.
2025 جىلدىڭ قورىتىندىسى بويىنشا كٶمٸر ٶندٸرۋ شامامەن 115,9 ملن توننانى قۇرادى, بۇل 2024 جىلمەن سالىستىرعاندا 7%-عا كٶپ.
كوممۋنالدىق-تۇرمىستىق ماقساتتارعا جەنە ٸشكٸ تۇتىنۋعا 85,9 ملن توننا پايدالانىلدى, ال كٶمٸر ەكسپورتى 30 ملن تونناعا جەتتٸ.
كٶمٸر ەكسپورتىنىڭ نەگٸزگٸ باعىتتارى: رەسەي فەدەراتسيياسى, پولشا, ٶزبەكستان, تٷركييا, ٷندٸستان, مالايزييا جەنە تاعى دا باسقا ەلدەر.
بٷگٸنگٸ تاڭدا قاتتى پايدالى قازبالار سالاسىندا كٶمٸر بويىنشا 40 جەر قويناۋىن پايدالانۋشى 41 كەلٸسٸمشارت بويىنشا قىزمەت جٷرگٸزۋدە.
مينيستر قازٸرگٸ ۋاقىتتا كٶمٸر سالاسىنا جاڭا ينۆەستيتسييالار تارتۋ بويىنشا جٷيەلٸ جۇمىس جٷرگٸزٸلٸپ جاتقانىن اتاپ ٶتتٸ.
جۇمىس باعدارلامالارىنا سەيكەس 2025 جىلى كٶمٸر ٶنەركەسٸبٸندەگٸ كەلٸسٸمشارتتارعا سالىنعان ينۆەستيتسييالار كٶلەمٸ 305 ملرد تەڭگەنٸ قۇرادى, ال 2026 جىلى سالاعا تارتىلعان ينۆەستيتسييا شامامەن 553,5 ملرد تەڭگە بولادى دەپ كٷتٸلۋدە.
«كٶمٸر ٶنەركەسٸبٸندە 32 مىڭعا جۋىق ادام جۇمىسپەن قامتىلعانىن اتاپ ٶتكەن جٶن. سەكتوردىڭ تۇراقتى دامۋى بارىسىندا جۇمىس ورىندارىنىڭ سانى ٶسە تٷسپەك. مينيسترلٸك كٶمٸر سالاسىنداعى گەولوگييالىق بارلاۋدى دامىتۋعا ەرەكشە نازار اۋدارىپ وتىر. بيىل جىل سوڭىنا دەيٸن شامامەن 10 ۋچاسكە بويىنشا كٶمٸر كەن ورىندارىنا جەر قويناۋىن پايدالانۋ قۇقىعىن بەرۋ تۋرالى اۋكتسيون ٶتكٸزۋ جوسپارلانۋدا», — دەدٸ ەرلان اقكەنجەنوۆ.
