قازاقستان بويىنشا 53 كەسٸپورىندا ەڭبەك داۋى بار. قر باس مەملەكەتتٸك ەڭبەك ينسپەكتورى تٶلەگەن وسپانقۇلوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي مەلٸمەت بەردٸ, دەپ حابارلايدى قازاقپارات.
«بىلتىر قۇرىلعان سيتۋاتسييالىق ورتالىقتىڭ اياسىندا كٷن سايىن ەڭبەك جەنە حالىقتى ەلەۋمەتتٸك قورعاۋ مينيسترلٸگٸ جەرگٸلٸكتٸ ەكٸمدٸكتەرمەن بٸرگە ەلدەگٸ كەسٸپورىندارداعى احۋال تەكسەرٸلٸپ وتىرادى. بۇل ورتالىقتىڭ مەلٸمەتتەرٸنە مٷددەلٸ مەملەكەتتٸك ورگانداردىڭ بەرٸ جالعانعان. وسى مونيتورينگتٸڭ دەرەگٸ بويىنشا, ورتالىق قۇرىلعاننان بەرٸ 500-دەن استام پروبلەمالىق كەسٸپورىن تٸزٸمگە ەنگەن. مەملەكەتتٸك جەنە جەرگٸلٸكتٸ اتقارۋ ورگاندارى قابىلداعان شارالاردىڭ ارقاسىندا سول كەسٸپورىنداردىڭ 449-ىندا مەسەلە شەشٸلگەن. ولار قازٸر مونيتورينگتەن الىنىپ تاستالدى. بٷگٸنگٸ تاڭدا مونيتورينگتە رەسپۋبليكا بويىنشا 53 كەسٸپورىن بار. ولار بويىنشا جەرگٸلٸكتٸ ەكٸمدٸكتەر تيٸستٸ شارا قابىلداپ جاتىر. جوعارىدا اتالعان 449 كەسٸپورىن بويىنشا تەك كەيٸنگٸ 4 جىلدا 34 نارازىلىق اكتسيياسى ٶتكەن. ياعني, ٷش ساعاتتان استام ۋاقىتقا جۇمىس توقتاتىلعان. ەڭبەك كودەكسٸ بويىنشا بۇل ٷشٸن ەكٸمشٸلٸك-تەرتٸپتٸك جاۋاپكەرشٸلٸك قاراستىرىلعان», - دەدٸ كوميتەت ٶكٸلٸ.
ونىڭ سٶزٸنە قاراعاندا, ەڭبەك داۋلارىنىڭ 99 پايىزى - ماڭعىستاۋ وبلىسىنا تيەسٸلٸ.
«ٶڭٸرلەرگە جٸكتەپ ايتساق, 34 نارازىلىق اكتسيياسىنىڭ 33-ٸ ماڭعىستاۋ وبلىسىنىڭ كەسٸپورىندارىندا بولعان. قالعان بٸر اكتسييا اتىراۋ وبلىسىندا ورىن الدى. 33 اكتسييانىڭ ٸشٸندە 27-سٸندە قازٸر مەسەلە شەشٸلگەن. ياعني, ونداعى كەسٸپورىندار جوسپارلى رەجيمدە جۇمىس ٸستەپ تۇر. جۇمىس بەرۋشٸلەرمەن ىمىراعا كەلۋ شارالارىنىڭ ارقاسىندا جۇمىسشىلار قويعان تالاپتار ورىندالدى. بٷگٸندە قازٸر 6 كەسٸپورىندا نارازىلىق اكتسيياسى جالعاسىپ جاتىر. ولار بويىنشا ەكٸمدٸكتەر ٷكٸمەت قاۋلىسى بەكٸتكەن الگوريتم اياسىندا شارا قابىلداپ جاتىر», - دەدٸ تٶلەگەن وسپانقۇلوۆ.
