فوتو: اشىق دەرەككٶز
بٷگٸن بٸز قارجى مينيسترٸ مەدي تەكيەۆتٸڭ بايانداماسى نەگٸزٸندە مٸندەتتٸ ەلەۋمەتتٸك ساقتاندىرۋ قورىنىڭ قارجىسى قالاي تيٸمسٸز جۇمسالىپ, قالاي جىمقىرىلعانى تۋرالى بٸرنەشە مىسال ايتقان ەدٸك. سونداي مىسالداردىڭ بٸرٸ – بٸر ناۋقاستىڭ اتىنا كٶپ دەرٸ جازۋ, دەپ حابارلايدى Ult.kz Azattyq Rýhy سايتىنا سٸلتەمە جاساپ.
جالپى, مەدي تەكيەۆ ٷكٸمەتتەگٸ كەڭەستە مەلٸم ەتكەندەي, ايماق-ايماقتاعى ەمحانالار مەن اۋرۋحانالار ناۋقاستاردىڭ اتىنا شەكتەن تىس كٶپ دەرٸ جازعان. بۇل – قارجىنى تيٸمسٸز جۇمساۋدىڭ بٸر امالى بولعان كٶرٸنەدٸ.
«جەتٸسۋ وبلىسىنىڭ دەرٸگەرلەرٸ ەكٸ بالاعا 126 مىڭ «ديمەكسيد» گەلٸن جازىپ, قۇجات جٷزٸندە ساتقان. سوندا بٸر بالا جىلىنا 63 مىڭ گەل العان», - دەيدٸ تەكيەۆ.
بۇدان ٶزگە, قارجى مينيسترٸنٸڭ سٶزٸنە سەنسەك, قازاقستانداعى تاعى بٸر ٶڭٸردٸڭ اۋرۋحاناسى قۇجات جٷزٸندە بٸر ناۋقاسقا بٸر تەۋلٸك ٸشٸندە 2 872 دەرٸ بەرگەن. بالالار اۋرۋحاناسىندا دا وسىعان ۇقساس 179 فاكت تٸركەلگەن ەكەن. ياعني, 88 مىڭ تٷرلٸ دەرٸ-دەرمەك وسىلاي ەسەپتەن شىققان. بۇل دەرٸنٸ «قابىلداعان» ناۋقاستار ستاتسيونارلاردا بٸر-اق كٷن جاتقان.
