قازاقستانداعى 51 اۆتوكٶلٸك ٶتكٸزۋ بەكەتٸنٸڭ 12-سٸ پاندەميياعا بايلانىستى ۋاقىتشا جابىلدى, دەپ حابارلايدى قازاقپارات.
«قازاقستان شەكاراسىندا 100 ٶتكٸزۋ بەكەتٸ بار. ونىڭ 51-ٸ اۆتوكٶلٸكتەردٸ ٶتكٸزۋ بەكەتٸ. ونىڭ 12-سٸ پاندەميياعا بايلانىستى ۋاقىتشا جابىلعان. اتالعان حالىقارالىق ٶتكٸزۋ بەكەتتەرٸندە شەكارا قىزمەتٸ مەملەكەتتٸك كٸرٸستەر ورگانىمەن, دەنساۋلىق ساقتاۋ مينيسترلٸگٸنٸڭ بٶلٸمشەلەرٸمەن بٸرلەسە شەكارادان ٶتۋ كەزٸندە سانيتارلىق شارالاردى قامتاماسىز ەتۋدە», - دەدٸ قر ۇقك شەكارا قىزمەتٸ شەكارالىق باقىلاۋ دەپارتامەنتٸ باستىعىنىڭ ورىنباسارى پولكوۆنيك عاني اعادٸلوۆ وكق-داعى باسپاسٶز مەسليحاتىندا.
ونىڭ ايتۋىنشا, جولاۋشىلار لەگٸنٸڭ ەدەۋٸر ازدىعىنا قاراماستان, شەكارادان جالعان قۇجاتپەن ٶتۋگە, تاۋار-ماتەريالدىق قۇندىلىقتاردى باقىلاۋدان جاسىرۋعا, تىيىم سالۋلار مەن شەكتەۋلەر قويىلعان ازىق-تٷلٸك تٷرلەرٸن ٶتكٸزۋگە, قورعانىس قۇرالدارى, مەديتسينالىق بۇيىمداردى زاڭسىز شىعارۋ فاكتٸلەرٸ انىقتالىپ جاتىر.
«بٸزدٸڭ تاراپىمىزدان زاڭسىزدىققا جول بەرمەۋ ٷشٸن مەيلٸنشە جوعارى دەرەجەدە باقىلاۋ قامتاماسىز ەتٸلگەن», - دەدٸ ول.
ەسكە سالا كەتسەك, بۇعان دەيٸن عاني اعادٸلوۆ قازاقستان تٶتەنشە جاعداي كەزٸندە دە, كەيٸن دە مەملەكەتارالىق جٷك تاسىمالداۋعا ٶز شەكاراسىندا ەشقانداي شەكتەۋ قويماعانىن حابارلاعان ەدٸ.
