فوتو: @gubdaily.ru
قازاقستاندا ٶز مٸندەتتەرٸن ورىندامايتىن مىڭداعان اتا-انا ەسەپكە قويىلدى. ولاردىڭ ٸشٸندە جٷزدەگەن ادام اتا-انا قۇقىعىنان ايىرىلۋى مٷمكٸن, دەپ حابارلايدى Sputnik قازاقستان.
ەكٸمشٸلٸك پوليتسييا كوميتەتٸنٸڭ ەرەكشە تاپسىرمالار جٶنٸندەگٸ اعا ينسپەكتورى اقمارال سەرٸكباەۆانىڭ ايتۋىنشا, ٶز بالالارىن تەربيەلەۋ بويىنشا مٸندەتتەردٸ ورىندامايتىن 8 مىڭ اتا-انا ەسەپكە الىندى. سونىڭ ٸشٸندە 1 057 اتا-انا ەكٸمشٸلٸك جاۋاپكەرشٸلٸككە تارتىلدى. بارلىعىنا 36 920 تەڭگەنٸڭ ايىپپۇلى سالىندى. ال 201 فاكتٸ بويىنشا كەمەلەتكە تولماعانداردىڭ ٸستەرٸ جٶنٸندەگٸ كوميسسيياعا اتا-انا قۇقىعىنان ايىرۋعا ماتەريالدار جٸبەرٸلدٸ.
"مىسالى, پەتروپاۆلدا جاس انا ەمحاناعا شاقىرىلعان ۋاقىتتا بالاسىن الىپ كەلمەي جٷرگەنٸ تۋرالى پەدياتردان حابارلاما كەلٸپ تٷستٸ. تەكسەرۋ كەزٸندە جاس انانىڭ ٸشٸمدٸك ٸشكەنٸ, نەرەستەنٸڭ شۇعىل كٶمەككە مۇقتاج ەكەنٸ بەلگٸلٸ بولدى. پوليتسييا بالانى نەرەستەلەر ٷيٸنە ورنالاستىرىپ, ال اناسىن ناركولوگ دەرٸگەردٸڭ ەسەبٸنە قويدى جەنە ەكٸمشٸلٸك جاۋاپكەرشٸلٸككە تارتتى", - دەدٸ سەرٸكباەۆا بٷگٸنگٸ ونلاين بريفينگتە.
ونىڭ ايتۋىنشا, سوت شەشٸمٸمەن الكوگوليزممەن اۋىراتىن 206 ادام ناركولوگييالىق ۇيىمدارعا مەجبٷرلەپ ەمدەۋگە جاتقىزىلدى. ال قورعاۋ نۇسقاماسىن بۇزعانى ٷشٸن 557 اگرەسسور جەنە مٸنەز-قۇلىققا قويىلعان ەرەكشە تالاپتاردى ورىنداماعانى ٷشٸن 531 قۇقىق بۇزۋشى قاماۋعا الىندى.
