قازاقستاندا جٷك تاسىمالى 2 جىل قاتارىنان 4 ملرد توننادان اسىپ جىعىلدى. بارلىق جٷكتەردٸڭ 84 پايىزى اۆتوكٶلٸكپەن تاسىمالدانسا, بارلىق كٸرٸستٸڭ 58 پايىزى قۇبىر جەلٸسٸمەن جەتكٸزۋدەن تٷسٸپ وتىر, دەپ حابارلايدى "ۇلت اقپارات" ranking.kz-كە سٸلتەمە جاساپ.
2019 جىلى كٶلٸكتٸڭ بارلىق تٷرٸمەن جٷكتەردٸ تاسىمالداۋ كٶلەمٸ 4,2 ملرد توننانى قۇرادى. بۇل 2018 جىلعى كٶرسەتكٸشتەن 3,3 پايىزعا ارتىق. ايتا كەتەرلٸگٸ, كٶرسەتكٸش ٷشٸنشٸ جىل قاتارىنان ٶسٸم كٶرسەتٸپ وتىر.
قازاقستاننىڭ ٶڭٸرلەرٸ اراسىندا ەڭ كٶپ جٷك تاسىمالى 864 ملن توننا كٶلەمٸندە قاراعاندى وبلىسىندا تٸركەلگەن. اتالعان كٶرسەتكٸش 2018 جىلدان 4,6 پايىزعا كٶپ. مۇنان كەيٸنگٸ ورىنداعى شىعىس قازاقستان وبلىسىندا بٸر جىل ٸشٸندە جٷك تاسىمالى 5,4 پايىزعا ارتىپ, 662,2 ملن تونناعا جەتتٸ. ال جىلدىق 7,8 پايىز ٶسٸممەن 320,1 ملن توننا جٷك تاسىمالدانعان قوستاناي وبلىسى ٷشٸنشٸ ورىندا تۇر.
ٶتكەن جىلدىڭ قاڭتار-جەلتوقسانىندا تاسىمالدانعان جٷكتەرددٸڭ باسىم بٶلٸگٸ, ناقتى ايتقاندا 3,6 ملرد تونناسى جٷك اۆتوموبيلدەرٸمەن تاسىمالدانعان. بۇل 2018 جىلدىڭ 12 ايىمەن سالىستىرعاندا 3,7 پايىزعا كٶپ.
تەمٸر جول كٶلٸگٸمەن 1 جىلدىڭ ٸشٸندە 408 ملن توننا نەمەسە جالپى جٷك تاسىمالىنىڭ 9,6 پايىزى جەتكٸزٸلٸپ, 12 ايدا 2,5 پايىزعا ٶسٸم كٶرسەتتٸ.
ال قالعان كٶلٸك تٷرلەرٸ 279,6 ملن توننا نەمەسە جالپى جٷكتەردٸڭ 6,6 پايىزىن عانا تاسىمالداعان. بۇل رەتتە 2018 جىلعى كٶرسەتكٸش 283,7 ملن توننا بولعان ەدٸ. ال ونىڭ 280,8 ملن تونناسى قۇبىر جەلٸسٸ ارقىلى تاسىمالدانعان.
كٶلٸك كەسٸپورىندارىنىڭ جٷك تاسىمالىنان العان كٸرٸستەرٸ 1 جىلدىڭ ٸشٸندە 8,2 پايىزعا ارتىپ, 2,5 ترلن تەڭگەگە جەتتٸ. بۇل كٶلٸك كٸرٸستەرٸنٸڭ جالپى كٶلەمٸنٸڭ 80,58 پايىزىن قۇرايدى. ونىڭ ٸشٸندە 1,4 ترلن تەڭگە قۇبىر جەلٸسٸمەن تاسىمالداۋدان تٷسكەن كٸرٸس. جٷك تاسىمالىنان تٷسكەن جالپى كٸرٸستٸڭ 57,9 پايىزى وسى قۇبىر جەلٸسٸنە تيەسٸلٸ بولىپ تۇر.
