سەناتور اندرەي لۋكين جولداردا قاۋٸپسٸزدٸكتٸ قامتاماسىز ەتۋ جۇمىستارىن جاقسارتۋ بويىنشا بٸرقاتار ۇسىنىستار جاسادى, دەپ حابارلايدى "ۇلت اقپارات".
«سالاعا قاتىستى ۇسىنىستاردى ايتقىم كەلەدٸ, ولاردىڭ بٸرازى پوليتسييا قىزمەتكەرلەرٸ تاراپىنان ۇسىنىلعان ەدٸ. وسى ورايدا بۇل مەسەلە جەكە ادامداردىڭ جول ەرەجەسٸن جٷيەلٸ تٷردە بۇزعانى ٷشٸن جاۋاپكەرشٸلٸك تاقىرىبىنا ارنالىپ وتىر. ولار جىل ٸشٸندە ٷش جەنە ودان دا كٶپ مەرتە ەرەجە بۇزا وتىرىپ, كٶلٸك باسقارادى», - دەدٸ ا. لۋكين ەلورداداعى پوليتسييا دەپارتامەنتٸنٸڭ ۇجىمىمەن كەزدەسۋ بارىسىندا.
دەپۋتات قازٸرگٸ كەزدە وسى تەكتەس ەرەجە بۇزۋشىلىقتار ٷشٸن بٸر جىلعا جٷرگٸزۋشٸ كۋەلٸگٸنەن ايىرۋ جازاسى قاراستىرىلعانىن اتاپ ٶتتٸ.
«جول ەرەجەسٸن بۇزعانى ٷشٸن بالل ەسەپتەۋ جٷيەسٸن ەزٸرلەپ, ەنگٸزۋگە قاتىستى تيٸستٸ ۇسىنىس جاسالۋدا. ونىڭ ٸشٸندە «سەرگەكپەن» تٸركەلگەن فاكتٸلەردٸ دە قامتۋ جاعدايى ايتىلۋدا», - دەدٸ سەناتور.
بۇل تۇرعىدا ول وسىنداي جٷيەدە جازالاۋ شارالارى ليميتتەن اسىپ كەتكەندە ٸسكە اسىرىلاتىنىن اتاپ ٶتتٸ.
سٶز سوڭىندا دەپۋتات بۇل مەسەلەلەردٸ بارلىق مٷددەلٸ تاراپتارمەن جەنە قوعامداستىقپەن ەگجەي-تەگجەيلٸ تالقىلاۋ كەرەكتٸگٸن ايتتى.
