فوتو: Pexels.com
قر وقۋ-اعارتۋ مينيسترلٸگٸ جەتٸم بالالار مەن اتا-اناسىنىڭ قامقورلىعىنسىز قالعان بالالارعا تەلٸمگەر بولعىسى كەلەتٸن ازاماتتار ٷشٸن مٸندەتتٸ وقىتۋدى ەنگٸزەتٸن بۇيرىق شىعاردى. وقۋ كۋرسىن اياقتاعاننان كەيٸن, تەلٸمگەرگە بٸلٸكتٸلٸگٸن راستايتىن سەرتيفيكات بەرٸلەدٸ, دەپ حابارلايدى Ult.kz.
وقىتۋدى تەلٸمگەرلٸكپەن اينالىساتىن ۇيىمدار جٷرگٸزەدٸ. كانديداتتار جازباشا ٶتٸنٸش بەرٸپ, قاجەتتٸ قۇجاتتاردى تاپسىرادى. وقۋ ۇزاقتىعى ەكٸ اپتادان اسپايدى. كۋرستى اياقتاعان سوڭ تەستٸلەۋ ٶتكٸزٸلەدٸ, ونى سەتتٸ تاپسىرعان ازاماتتارعا سەرتيفيكات بەرٸلەدٸ.
«تەلٸمگەرلەردٸ مٸندەتتٸ سەرتيفيكاتتاۋ — اتا-اناسىنىڭ قامقورلىعىنسىز قالعان بالالارعا ساپالى قولداۋ كٶرسەتۋدٸ قامتاماسىز ەتۋدٸڭ ماڭىزدى قادامى. دايىندىقتان ٶتكەن تەلٸمگەرلەر بالالاردىڭ ەلەۋمەتتەنۋٸنە جەنە ەرەسەك ٶمٸرگە دايىندىعىنا تيٸمدٸ كٶمەكتەسە الادى دەپ سەنەمٸز», — دەپ اتاپ ٶتتٸ قر وقۋ-اعارتۋ مينيسترلٸگٸ بالالاردىڭ قۇقىقتارىن قورعاۋ كوميتەتٸنٸڭ تٶراعاسى ناسىمجان وسپانوۆا.
تەلٸمگەر بولۋعا ٷمٸتكەر — قر كەمەلەتكە تولعان ازاماتى, قورعانشىلار مەن قامقورشىلارعا قويىلاتىن تالاپتارعا سەيكەس كەلۋٸ تيٸس. تەلٸمگەرلٸك قىزمەت اقىسىز تٷردە جٷزەگە اسىرىلادى جەنە 10 جاستان اسقان, جەتٸم بالالار مەن اتا-اناسىنىڭ قامقورلىعىنسىز قالعان بالالارعا ارنالعان بٸلٸم بەرۋ ۇيىمدارىندا تەربيەلەنٸپ جاتقان بالالارعا قولداۋ كٶرسەتۋگە باعىتتالعان.
ەسكە سالساق, قازاقستاندا تەلٸمگەرلٸك ينستيتۋتى 2024 جىلى ەنگٸزٸلگەن بولاتىن. ونىڭ ماقساتى — جەتٸم جەنە اتا-اناسىنىڭ قامقورلىعىنسىز قالعان بالالارعا جەكە قولداۋ كٶرسەتۋ. بۇل مەحانيزم تەربيەلەنۋشٸلەردٸ ٶز بەتٸنشە ٶمٸر سٷرۋگە دايىنداۋعا ىقپال ەتەدٸ.
