فوتو: اشىق دەرەككٶز
قازاقستاندا جەكە مەديتسينالىق جەنە بٸلٸم بەرۋ ۇيىمدارىن قارجىلاندىرۋ مەحانيزمدەرٸ تٷبەگەيلٸ قايتا قارالادى, دەپ حابارلايدى Ult.kz.
بۇل تۋرالى پرەمەر-مينيستردٸڭ ورىنباسارى – مەدەنيەت جەنە اقپارات مينيسترٸ ايدا بالاەۆا ٷكٸمەت وتىرىسىندا مەلٸمدەدٸ.
ۆيتسە-پرەمەردٸڭ ايتۋىنشا, مەملەكەت باسشىسىنىڭ ۇلتتىق قۇرىلتايدىڭ V وتىرىسىندا بەرگەن تاپسىرمالارى اياسىندا بٸلٸم بەرۋ مەن دەنساۋلىق ساقتاۋ سالالارىن قارجىلاندىرۋدىڭ ەدٸل ەرٸ تيٸمدٸ جٷيەسٸن قالىپتاستىرۋ كٶزدەلٸپ وتىر. قازٸرگٸ تاڭدا بٸلٸم بەرۋ سالاسىندا جەكەمەنشٸك مەكتەپتەردٸ تسيفرلىق ەسەپكە الۋ, نەگٸزگٸ پروتسەستەردٸ اۆتوماتتاندىرۋ جەنە بيۋدجەتتەۋ جٷيەسٸمەن سينحرونداۋ باعىتىندا پيلوتتىق جوبا ٸسكە قوسىلعان. نەتيجەسٸندە 785 جەكەمەنشٸك مەكتەپ تولىق تسيفرلاندىرىلعان.
بيۋدجەت قاراجاتىن ماقساتتى پايدالانۋ ٷشٸن جاڭا جەكەمەنشٸك مەكتەپتەرگە مەملەكەتتٸك تاپسىرىس ورنالاستىرۋعا موراتوريي ەنگٸزٸلەدٸ. ەندٸ مەملەكەتتٸك قارجىلاندىرۋ ٶڭٸردە ناقتى قاجەتتٸلٸك بار جەكەمەنشٸك مەكتەپتەرگە عانا باعىتتالادى. بۇل رەتتە مەملەكەتتٸك مەكتەپتەردٸڭ جەتٸسپەۋشٸلٸگٸ, ٷش اۋىسىمدى وقىتۋدى جويۋ جەنە اپاتتى مەكتەپتەردٸڭ ورنىنا جاڭا بٸلٸم بەرۋ نىساندارىن سالۋ باسىمدىق رەتٸندە ايقىندالعان.
سونىمەن قاتار بٸلٸم سالاسىنا جەكە ينۆەستيتسييا تارتۋ ماقساتىندا مەملەكەتتٸك تاپسىرىسسىز, تەك ينۆەستيتسييالىق شىعىندى ٶتەۋ تەتٸگٸ ساقتالادى. وقۋ-اعارتۋ مينيسترلٸگٸ جەكەمەنشٸك مەكتەپتەرگە ليتسەنزييادان كەيٸنگٸ باقىلاۋدى كٷشەيتٸپ, بٸلٸم ساپاسى, پەداگوگ كادرلارمەن قامتىلۋ جەنە بالالاردىڭ قاۋٸپسٸزدٸگٸنە باسا مەن بەرمەك.
ال دەنساۋلىق ساقتاۋ سالاسىندا مەديتسينالىق كٶمەكتٸ جوسپارلاۋ حالىقتىڭ ناقتى قاجەتتٸلٸكتەرٸ, دەموگرافييالىق جەنە كٶشٸ-قون دەرەكتەرٸ نەگٸزٸندە جٷرگٸزٸلەدٸ. قارجىلاندىرۋ ەڭ تيٸمدٸ مەملەكەتتٸك جەنە سەنٸمدٸ جەكە مەديتسينالىق ۇيىمدارعا باعىتتالماق. قوسارلانعان تٶلەمدەر مەن جالعان ەسەپتٸڭ الدىن الۋ ٷشٸن بٸرىڭعاي تسيفرلىق باقىلاۋ جٷيەسٸ ەنگٸزٸلەدٸ. پاتسيەنتتەرمەن كەرٸ بايلانىس موبيلدٸ قوسىمشا ارقىلى جٷزەگە اسادى.
بۇدان بٶلەك, ساپانى باقىلاۋ كٷشەيتٸلٸپ, ليتسەنزييالاۋ تالاپتارى قاتاڭداتىلادى. مٸندەتتٸ ەلەۋمەتتٸك مەديتسينالىق ساقتاندىرۋ جٷيەسٸ قارجى مينيسترلٸگٸنٸڭ قۇزىرەتٸنە بەرٸلدٸ. قازٸرگٸ ۋاقىتتا قۇقىق قورعاۋ ورگاندارىمەن بٸرلەسٸپ, «زاڭ جەنە تەرتٸپ» قاعيداتىنا ساي تەكسەرۋلەر جٷرگٸزٸلٸپ جاتىر.
ٷكٸمەت جەكە مەديتسينا جەنە بٸلٸم بەرۋ ۇيىمدارىن قارجىلاندىرۋ تەتٸكتەرٸن قايتا قاراۋعا ارنالعان ٸس-شارالار جوسپارىن بەكٸتكەن. اتالعان ٶزگەرٸستەر قارجىلاندىرۋ جٷيەسٸنٸڭ اشىقتىعى مەن تيٸمدٸلٸگٸن ارتتىرۋعا جەنە حالىققا كٶرسەتٸلەتٸن قىزمەت ساپاسىن جاقسارتۋعا باعىتتالعان.
