بىلتىرعى قازان ايىنان بەرٸ قازاقستان اۋماعىندا 112 شەتەلدٸك قىلمىسكەر ۇستالعان, دەپ حابارلايدى قازاقپارات.
ٸشكٸ ٸستەر مينيسترلٸگٸنٸڭ اقپارات الاڭىندا وسىنداي مەلٸمەت ايتىلدى.
«ٸشكٸ ٸستەر مينيسترلٸگٸ ٷكٸمەتتٸك ەمەس ۇيىمدارمەن بٸرلەسٸپ, ٶتكەن جىلدىڭ قازان ايىنان بەرٸ ازاماتتىعى بەلگٸسٸز ادامداردى انىقتاۋ جەنە قۇجاتتاندىرۋ بويىنشا جۇمىستار جٷرگٸزۋدە. وسىنداي اكتسييا بارىسىندا 4636 قۇجاتسىز ادام انىقتالدى. قازٸرگٸ ۋاقىتتا پوليتسييا قىزمەتكەرلەرٸ 3 408 ادامنىڭ قۇجاتتارىن قالپىنا كەلتٸرٸپ, 1 278 ادامعا قاتىستى ازاماتتىق راستاۋ رەسٸمٸن اياقتاپ جاتىر. ايتا كەتەرلٸك جايت, جىل باسىنان بەرٸ ادام ساۋداسىمەن بايلانىستى 103 قىلمىس تٸركەلدٸ», - دەدٸ ۆەدومستۆونىڭ باسپاسٶز ٶكٸلٸ شۇعىلا تۇرلىبەك.
ونىڭ مەلٸمەتٸنشە, اتالعان 103 قىلمىستىڭ 61-ٸ ٶندٸرٸسپەن اياقتالىپ, سوتقا جولدانعان.
«قازٸرگٸ ۋاقىتتا سوتتار 9 ادامعا قاتىستى ايىپتاۋ ٷكٸمٸن شىعاردى. تاعى 42 ٸس تەرگەۋ ساتىسىندا, 9 ادام تٷرلٸ مەرزٸمگە سوتتالدى. ەڭبەك جەنە جىنىستىق قۇلدىقتان 19 ادام قۇتقارىلدى. بۇدان باسقا «ميگرانت» جەنە «زاڭسىز يمميگرانت-2» جەدەل ٸس-شاراسى بارىسىندا 14,5 مىڭنان استام كٶشٸ-قون زاڭناماسىن بۇزۋ جاعدايى انىقتالدى», - دەدٸ شۇعىلا تۇرلىبەك.
مينيسترلٸكتٸڭ دەرەگٸ بويىنشا كٷزدەن بەرٸ شەتەلدٸكتەردٸڭ ەڭبەگٸن زاڭسىز پايدالانۋدىڭ 3 666 فاكتٸسٸ تٸركەلگەن.
«قازاقستاننىڭ كٶشٸ-قون زاڭناماسىن بۇزعان 987 شەتەلدٸك ەلدەن شىعارىلدى. ٶزدەرٸندە جٷرگەن شەتەلدٸكتەر تۋرالى پوليتسيياعا حابارلاماعان 823 جۇمىس بەرۋشٸ مەن 5 966 ازامات جاۋاپكەرشٸلٸككە تارتىلدى. پوليتسييا وپەراتسييا كەزٸندە ٸزدەۋدە جٷرگەن 112 قىلمىسكەردٸ ۇستادى جەنە زاڭسىز كٶشٸ-قون ۇيىمداستىرۋدىڭ 33 فاكتٸسٸن انىقتادى», - دەدٸ ٸمم باسپاسٶز ٶكٸلٸ.
