بٷگٸن ەنەرگەتيكا مينيسترلٸگٸ باق ٶكٸلدەرٸنە ارنايى باسپاسٶز تۋرىن ٶتكٸزٸپ, ەلورداداعى جانار-جاعارماي بەكەتتەرٸندەگٸ بەنزين ساپاسىن تەكسەرۋ پروتسەسٸن تانىستىردى, دەپ حابارلايدى قازاقپارات تٸلشٸسٸ.
باسپاسٶز تۋرىنا قاتىسۋشىلار ۇلى دالا داڭعىلى بويىنداعى ەسٸل اۋداندىق سوتىنىڭ جانىندا تۇرعان جانار-جاعارماي بەكەتٸندە بولدى. مۇناي ٶنٸمدەرٸنٸڭ ساپاسىن باقىلايتىن ماماندار بەكەتتەن سىناما الىپ, ونى تەكسەرۋ ٷشٸن لابوراتوريياعا جٸبەردٸ.
«مۇناي ٶنٸمٸنٸڭ ٶزٸ اينالىپ كەلگەندە توتىعۋعا بەيٸم, دۇرىس ساقتالماسا ساپا كٶرسەتكٸشٸن جوعالتىپ الاتىن كٷردەلٸ حيمييالىق تاۋار. مٸنە, مۇنداي قيىندىققا ۇرىنباۋ ٷشٸن بٸزدٸڭ كومپانييا مۇناي ٶنٸمدەرٸنٸڭ ساپاسىن تٷپكٸلٸكتٸ باقىلاۋ جٷيەسٸن ەنگٸزدٸ», - دەدٸ «PetroRetail» جشس مۇناي ٶنٸمدەرٸنٸڭ ساپاسىن باقىلاۋ بٶلٸمٸنٸڭ باستىعى اقىلبەك سۋحانبەرديەۆ تٸلشٸلەرگە بەرگەن سۇحباتىندا.
ونىڭ ايتۋىنشا, بەنزيننٸڭ ساپاسى زاۋىتتان شىققاننان باستاپ, ساقتاۋ, جەتكٸزۋ جەنە ساتۋ كەزەڭٸنە دەيٸن ٷنەمٸ تەكسەرٸلٸپ وتىرادى.
«بٸزدٸڭ كومپانييا وتاندىق ٷش مۇناي-ٶڭدەۋ زاۋىتىنىڭ ٶنٸمدەرٸن ساتادى. بارلىق وتاندىق زاۋىت جاڭارتىلعاننان كەيٸن ولاردا حالىقارالىق ستاندارتتارعا سەيكەس كەلەتٸن وتىن شىعارىلادى. مودەرنيزاتسييادان كەيٸن بٸز ك-4, ك-5 ەكولوگييالىق ساناتتارىنداعى جانارمايدى ساتامىز. ايىنا كەمٸندە بٸر رەت بٷكٸل قازاقستان بويىنشا جانار-جاعارماي ستانتسييالارى تەكسەرٸلەدٸ. بۇل شامامەن - 350 جانارماي بەكەتٸ. بۇزۋشىلىقتار ٸس جٷزٸندە كٶپ انىقتالمايدى. مۇناي ٶنٸمدەرٸنٸڭ ٶزٸ توتىعۋعا بەيٸم بولعاندىقتان, ەگەر قانداي دا بٸر ولقىلىق انىقتالسا, بٸزدە ول ٶنٸمدٸ قالپىنا كەلتٸرۋ نورماسى بار. ونى دەرەۋ ساتۋدى توقتاتا تۇرىپ, تەكسەرٸپ, قاجەت بولعان جاعدايدا ٶنٸمدٸ قالپىنا كەلتٸرەمٸز. تەك قالپىنا كەلتٸرٸلٸپ, ساپا سەيكەستٸگٸ زەرتحانالىق تەكسەرۋدەن ٶتكەننەن كەيٸن, بٸز ونى ساتۋعا رۇقسات بەرەمٸز», - دەيدٸ اقىلبەك سۋحانبەرديەۆ.
ول سونداي-اق, وتاندىق بەنزيننٸڭ رەسەيلٸك ٶنٸمنەن ەش كەمشٸلٸگٸ جوق ەكەنٸن ايتادى.
«مامان رەتٸندە ايتارىم, بارلىق زاۋىتىمىز حالىقارالىق ستاندارتتارعا سەيكەس وتىن شىعارادى. بارلىق رەسەيلٸك جەنە قازاقستاندىق زاۋىتتار تٷپتەپ كەلگەندە وتىندى ەۋروپالىق ستاندارتتارعا سەيكەس ٶندٸرەدٸ. قازاقستاننىڭ جانار-جاعارماي قۇيۋ بەكەتتەرٸندە ساتىلاتىن وتىننىڭ رەسەيلٸك ٶنٸمنەن ەش ايىرماشىلىعى جوق. دەل سول رەسەيلٸكتەردٸڭ ٶزٸ بٸزدٸڭ شەكاراداعى اۋداندارعا كەلٸپ, ارزانعا بەنزين ساتىپ الىپ كەتٸپ جاتىر», - دەدٸ ول.
