قازاقستاندا جاڭا كونستيتۋتسييا جوباسى بويىنشا رەفەرەندۋم باستالدى

فوتو: Zakon.kz

قازاقستاندا جاڭا اتا زاڭ جوباسىن قابىلداۋ مەسەلەسٸ بويىنشا رەسپۋبليكالىق رەفەرەندۋم باستالدى, دەپ حابارلايدى Ult.kz. ەل ازاماتتارى بٷگٸن ٶز تاڭداۋلارىن جاساپ, كونستيتۋتسييالىق ٶزگەرٸستەرگە قاتىستى داۋىس بەرەدٸ.

بيۋللەتەندە بٸر عانا سۇراق بار

بيۋللەتەندە «جوباسى بۇقارالىق اقپارات قۇرالدارىندا 2026 جىلعى 12 اقپاندا جارييالانعان قازاقستان رەسپۋبليكاسىنىڭ جاڭا كونستيتۋتسيياسىن قابىلدايسىز با?» دەگەن بٸر عانا ساۋال ۇسىنىلعان.

داۋىس بەرۋشٸلەر ەكٸ نۇسقانىڭ بٸرٸن تاڭدايدى:

• «يە, قابىلدايمىن»

• «جوق, قابىلدامايمىن»

بيۋللەتەندەر قازاق جەنە ورىس تٸلدەرٸندە باسىلعان.

ايتا كەتەيٸك, بيىل 11 اقپاندا قاسىم-جومارت توقاەۆ كونستيتۋتسييالىق كوميسسييا ٶكٸلدەرٸن قابىلداپ, جاڭا كونستيتۋتسييا جوباسىن تالقىلاعان. وسىدان كەيٸن پرەزيدەنت 2026 جىلعى 15 ناۋرىزدا رەسپۋبليكالىق رەفەرەندۋم ٶتكٸزۋ تۋرالى جارلىققا قول قويعان.

«تىنىشتىق كٷنٸ»: ٷگٸت-ناسيحاتقا تىيىم

14 ناۋرىزدا رەفەرەندۋم الدىنداعى «تىنىشتىق كٷنٸ» جارييالاندى. زاڭعا سەيكەس, وسى كٷننەن باستاپ جەنە داۋىس بەرۋ كٷنٸ – 15 ناۋرىزدا كەز كەلگەن ٷگٸت-ناسيحات جٷرگٸزۋگە تىيىم سالىنادى.

قازاقستان رەسپۋبليكاسىنىڭ ورتالىق سايلاۋ كوميسسيياسى مٷشەسٸ لەززات سٷيٸندٸكتٸڭ ايتۋىنشا, بۇل كەزەڭدە جاڭا كونستيتۋتسييا جوباسىن قولدايتىن نەمەسە قارسى ماتەريالداردى جارييالاۋعا بولمايدى. سونداي-اق داۋىس بەرۋ كٷنٸ قوعامدىق پٸكٸر ساۋالناماسىنىڭ نەتيجەلەرٸن جارييالاۋعا دا تىيىم سالىنعان. مۇنداي ەرەكەتتەر ٷشٸن ەكٸمشٸلٸك جاۋاپكەرشٸلٸك قاراستىرىلعان.

ەل بويىنشا 10 مىڭنان استام ۋچاسكە جۇمىس ٸستەيدٸ

رەفەرەندۋم كٷنٸ داۋىس بەرۋ ۋچاسكەلەرٸ ساعات 07:00-دەن 20:00-گە دەيٸن جۇمىس ٸستەيدٸ. قازاقستان بويىنشا بارلىعى 10 402 ۋچاسكە اشىلعان.

سونىمەن قاتار شەتەلدەگٸ قازاقستاندىقتار ٷشٸن 54 ەلدە 71 داۋىس بەرۋ ۋچاسكەسٸ ۇيىمداستىرىلعان.

كوميسسييا مەلٸمەتٸنە سەيكەس, ەلدە 12 461 796 سايلاۋشى تٸركەلگەن. وسىعان بايلانىستى زاڭ تالاپتارىنا سەيكەس 12 586 414 بيۋللەتەن دايىندالعان.

ەگەر ازامات ٶزٸنٸڭ تٸركەلگەن جەرٸنەن تىس جەردە داۋىس بەرگٸسٸ كەلسە, ول ەسەپتەن شىعارۋ كۋەلٸگٸن الىپ, باسقا ۋچاسكەدە داۋىس بەرە الادى.

كەيبٸر ەلدەردەگٸ ۋچاسكەلەر ۋاقىتشا جابىلدى

سىرتقى ٸستەر مينيسترلٸگٸنٸڭ مەلٸمەتٸنشە, تاياۋ شىعىستاعى ەسكەري-ساياسي جاعدايدىڭ كٷردەلەنۋٸنە جەنە كەيبٸر ەلدەردەگٸ قاۋٸپسٸزدٸك مەسەلەلەرٸنە بايلانىستى 10 مەملەكەتتەگٸ 11 ۋچاسكەنٸڭ جۇمىسى ۋاقىتشا توقتاتىلعان. ولاردىڭ قاتارىندا يران, يزرايل, يوردانييا, قاتار, بٸرٸككەن اراب ەمٸرلٸكتەرٸ, ومان, ليۆان, كۋۆەيت, ۋكراينا جەنە ەفيوپيياداعى ديپلوماتييالىق ٶكٸلدٸكتەر جانىنداعى ۋچاسكەلەر بار.

حالىقارالىق بايقاۋشىلار قاتىسادى

قازاقستان رەسپۋبليكاسىنىڭ ورتالىق سايلاۋ كوميسسيياسى مەلٸمەتٸنشە, رەفەرەندۋمدى باقىلاۋ ٷشٸن 38 ەلدەن 133 بايقاۋشى جەنە 11 حالىقارالىق ۇيىمنان 226 ٶكٸل اككرەديتاتسييادان ٶتكەن. جالپى سانى – 359 حالىقارالىق بايقاۋشى.

كوميسسييا تٶراعاسى نۇرلان ەبدٸروۆتٸڭ ايتۋىنشا, حالىقارالىق بايقاۋشىلاردىڭ قاتىسۋى رەفەرەندۋمنىڭ اشىقتىعى مەن جارييالىلىعىن قامتاماسىز ەتۋگە ىقپال ەتەدٸ.