.webp)
Foto: Zakon.kz
Qazaqstanda jańa Ata Zań jobasyn qabyldaý máselesi boiynsha respýblikalyq referendým bastaldy, dep habarlaidy Ult.kz. El azamattary búgin óz tańdaýlaryn jasap, konstitýtsiialyq ózgeristerge qatysty daýys beredi.
Biýlletende bir ǵana suraq bar
Biýlletende «Jobasy buqaralyq aqparat quraldarynda 2026 jylǵy 12 aqpanda jariialanǵan Qazaqstan Respýblikasynyń jańa Konstitýtsiiasyn qabyldaisyz ba?» degen bir ǵana saýal usynylǵan.
Daýys berýshiler eki nusqanyń birin tańdaidy:
«Iá, qabyldaimyn»
«Joq, qabyldamaimyn»
Biýlletender qazaq jáne orys tilderinde basylǵan.
Aita keteiik, biyl 11 aqpanda Qasym-Jomart Toqaev Konstitýtsiialyq komissiia ókilderin qabyldap, jańa Konstitýtsiia jobasyn talqylaǵan. Osydan keiin Prezident 2026 jylǵy 15 naýryzda respýblikalyq referendým ótkizý týraly jarlyqqa qol qoiǵan.
«Tynyshtyq kúni»: úgit-nasihatqa tyiym
14 naýryzda referendým aldyndaǵy «tynyshtyq kúni» jariialandy. Zańǵa sáikes, osy kúnnen bastap jáne daýys berý kúni – 15 naýryzda kez kelgen úgit-nasihat júrgizýge tyiym salynady.
Qazaqstan Respýblikasynyń Ortalyq sailaý komissiiasy múshesi Lázzat Súiindiktiń aitýynsha, bul kezeńde jańa Konstitýtsiia jobasyn qoldaityn nemese qarsy materialdardy jariialaýǵa bolmaidy. Sondai-aq daýys berý kúni qoǵamdyq pikir saýalnamasynyń nátijelerin jariialaýǵa da tyiym salynǵan. Mundai áreketter úshin ákimshilik jaýapkershilik qarastyrylǵan.
El boiynsha 10 myńnan astam ýchaske jumys isteidi
Referendým kúni daýys berý ýchaskeleri saǵat 07:00-den 20:00-ge deiin jumys isteidi. Qazaqstan boiynsha barlyǵy 10 402 ýchaske ashylǵan.
Sonymen qatar sheteldegi qazaqstandyqtar úshin 54 elde 71 daýys berý ýchaskesi uiymdastyrylǵan.
Komissiia málimetine sáikes, elde 12 461 796 sailaýshy tirkelgen. Osyǵan bailanysty zań talaptaryna sáikes 12 586 414 biýlleten daiyndalǵan.
Eger azamat óziniń tirkelgen jerinen tys jerde daýys bergisi kelse, ol esepten shyǵarý kýáligin alyp, basqa ýchaskede daýys bere alady.
Keibir elderdegi ýchaskeler ýaqytsha jabyldy
Syrtqy ister ministrliginiń málimetinshe, Taiaý Shyǵystaǵy áskeri-saiasi jaǵdaidyń kúrdelenýine jáne keibir elderdegi qaýipsizdik máselelerine bailanysty 10 memlekettegi 11 ýchaskeniń jumysy ýaqytsha toqtatylǵan. Olardyń qatarynda Iran, Izrail, Iordaniia, Qatar, Birikken Arab Ámirlikteri, Oman, Livan, Kýveit, Ýkraina jáne Efiopiiadaǵy diplomatiialyq ókildikter janyndaǵy ýchaskeler bar.
Halyqaralyq baiqaýshylar qatysady
Qazaqstan Respýblikasynyń Ortalyq sailaý komissiiasy málimetinshe, referendýmdy baqylaý úshin 38 elden 133 baiqaýshy jáne 11 halyqaralyq uiymnan 226 ókil akkreditatsiiadan ótken. Jalpy sany – 359 halyqaralyq baiqaýshy.
Komissiia tóraǵasy Nurlan Ábdirovtiń aitýynsha, halyqaralyq baiqaýshylardyń qatysýy referendýmnyń ashyqtyǵy men jariialylyǵyn qamtamasyz etýge yqpal etedi.
