قر پرەمەر-مينيسترٸ اسقار ماميننٸڭ تٶراعالىعىمەن ٶتكەن ٷكٸمەتتٸڭ سەلەكتورلىق وتىرىسىندا 2020 جىلعى ەگٸن جيناۋ جۇمىستارىنىڭ بارىسى قارالدى. ەگٸن جيناۋ ناۋقانىنىڭ باستالۋى تۋرالى اۋىل شارۋاشىلىعى مينيسترٸ ساپارحان وماروۆ, جانار-جاعارماي ماتەريالدارىمەن قامتاماسىز ەتۋ تۋرالى ەنەرگەتيكا مينيسترٸ نۇرلان نوعاەۆ, ٶڭٸرلەردەگٸ احۋال تۋرالى اقمولا وبلىسىنىڭ ەكٸمٸ ەرمەك مارجىقپاەۆ, قوستاناي وبلىسىنىڭ ەكٸمٸ ارحيمەد مۇحامبەتوۆ, سولتٷستٸك قازاقستان وبلىسىنىڭ ەكٸمٸ قۇمار اقساقالوۆ, قاراعاندى وبلىسىنىڭ ەكٸمٸ جەڭٸس قاسىمبەك باياندادى, دەپ حابارلايدى primeminister.kz سايتى.
ستاتيستيكالىق دەرەكتەر بويىنشا بيىل اۋىل شارۋاشىلىعى داقىلدارىنىڭ جالپى ەگٸس الاڭى 22,7 ملن گەكتاردى قۇرادى (بۇل 2019 جىلمەن سالىستىرعاندا 439,2 مىڭ گەكتارعا كٶپ). دەندٸ جەنە دەندٸ-بۇرشاقتى داقىلدار الاڭى 15,8 ملن گەكتاردى, مايلى داقىلدار 2,9 ملن گەكتاردى, كٶكٶنٸس-باقشا داقىلدارى مەن كارتوپ 457,4 مىڭ گەكتاردى, ماقتا 125,8 مىڭ گەكتاردى, قانت قىزىلشاسى 20,9 مىڭ گەكتاردى, ازىقتىق داقىلدار 3,3 ملن گەكتاردى قۇرادى.
اۋىل شارۋاشىلىعى مينيسترٸ اتاپ ٶتكەندەي, بيىل ەلٸمٸزدە ەگٸن جيناۋ جۇمىستارى ۋاقىتىلى باستالدى, ەگٸن جيناۋ ناۋقانىنىڭ قارقىنى ٶتكەن جىلمەن سالىستىرعاندا جوعارى. مەسەلەن, بٷگٸنگٸ تاڭدا رەسپۋبليكا بويىنشا بارلىعى 3,3 ملن گەكتار دەندٸ جەنە بۇرشاقتى داقىلدار نەمەسە ولاردىڭ جالپى جينالاتىن الاڭىنىڭ 21,2%-ى جينالدى, ٶتكەن جىلى وسىنداي كەزەڭدە 2,1 ملن گەكتار نەمەسە 14% جينالعان بولاتىن.
«ورتاشا ٶنٸمدٸلٸك گەكتارىنا 13,5 تسەنتنەردٸ قۇراپ, 4,5 ملن توننا استىق باستىرىلدى. ٶزدەرٸڭٸز بٸلەتٸندەي, بيىلعى جازعى ماۋسىمدا ٶتكەن جىلعى سەكٸلدٸ ٶتە قۋاڭ (قۇرعاق) اۋا-رايى ورىن الدى. تٶتەنشە جاعداي مەن كارانتين رەجيمٸنە قاراماستان, ەگٸس ناۋقانى وڭتايلى مەرزٸمدە جٷرگٸزٸلدٸ. ىلعالدى جابۋ جەنە توپىراقتى ەگٸس الدىندا ٶڭدەۋ بويىنشا ساپالى جەنە ۋاقىتىلى جٷرگٸزٸلگەن ٸس-شارالار توپىراقتىڭ ٶنٸمدٸ ىلعالىن ساقتاپ قالۋعا مٷمكٸندٸك بەردٸ», — دەدٸ س. وماروۆ.
سونداي-اق اۋىل شارۋاشىلىعى داقىلدارىنىڭ قولايسىز اۋا رايى جاعدايلارىنا تٶزٸمدٸلٸگٸن ارتتىرۋعا مەملەكەتتٸڭ تۇقىم شارۋاشىلىعىن قولداۋ بويىنشا قابىلداعان شارالارى ەسەر ەتتٸ. مەسەلەن, ٶتكەن جىلمەن سالىستىرعاندا تۇقىم شارۋاشىلىعىن سۋبسيدييالاۋ 49%-عا ارتتى. سۋبسيدييالاۋ تەتٸگٸ جەتٸلدٸرٸلدٸ, وعان سەيكەس شەتەلدٸك سەلەكتسييانىڭ سۇرانىسقا يە تۇقىمدارىن ساتىپ الۋعا جۇمسالعان شىعىندار سۋبسيدييالانادى, سونداي-اق ەليتالىق تۇقىم شارۋاشىلىقتارىنا كەيٸننەن كٶبەيتۋ ٷشٸن بٸرەگەي تۇقىم ساتىپ الۋعا قولداۋ كٶرسەتٸلەدٸ.
«تۇقىم تازالايتىن تەحنيكا مەن سەلەكتسييالىق تەحنيكانىڭ بارلىق تٷرلەرٸن ينۆەستيتسييالىق سۋبسيدييالاۋ ەنگٸزٸلدٸ, بۇل وتاندىق تۇقىم شارۋاشىلىعىن دامىتۋعا جەردەمدەسەتٸن بولادى. مەسەلەن, ەگٸس ناۋقانىن جٷرگٸزۋ كەزٸندە قابىلدانعان شارالار نەتيجەسٸندە سەبٸلگەن ەليتالىق تۇقىمداردىڭ ٷلەسٸ 2 ەسەگە جۋىق ٶستٸ. بۇل رەتتە ساپاسى تٶمەن تۇقىمداردىڭ ٷلەسٸ 2,8 ەسە تٶمەندەدٸ», — دەدٸ اۋىل شارۋاشىلىعى مينيسترٸ.
بٷگٸنگٸ تاڭدا ٶسٸمدٸكتەردٸ قورعاۋ جەنە ەگٸستەردٸ تىڭايتۋ بويىنشا قاجەتتٸ ٸس-شارالار كەشەنٸ جٷرگٸزٸلدٸ. وسى جىلى تىڭايتقىش ساتىپ الۋدى سۋبسيدييالاۋعا 26,1 ملرد تەڭگە بٶلٸندٸ. بۇل شامامەن 522 مىڭ توننا مينەرالدى تىڭايتقىش نەمەسە عىلىمي نەگٸزدەلگەن نورمانىڭ 20%-ىن ساتىپ الۋدى سۋبسيدييالاۋعا مٷمكٸندٸك بەرەدٸ.
«قازٸرگٸ ۋاقىتتا اۋىل شارۋاشىلىعى ەڭبەككەرلەرٸ 493 مىڭ توننا تىڭايتقىش ساتىپ الدى, بۇل كٶرسەتكٸش ٶتكەن جىلمەن سالىستىرعاندا 5%-عا جوعارى. بۇل رەتتە تيەپ-جٶنەلتۋدٸڭ جالعاسىپ جاتقانىن جەنە بەلگٸلٸ كٶلەمدەردٸڭ كٷزگٸ جەر جىرتۋ كەزٸندە ەنگٸزٸلەتٸنٸن اتاپ كەتكەن جٶن. ساتىپ الىنعان تىڭايتقىش كٶلەمٸنٸڭ 292 مىڭ تونناسى نەمەسە 60%-ى – وتاندىق تىڭايتقىشتار», — دەدٸ وماروۆ.
جالپى, سوڭعى 5 جىلدا تىڭايتقىش ەنگٸزۋ دەڭگەيٸ عىلىمي قاجەتتٸلٸكتٸڭ 10,1%-نان 22%-نا دەيٸن 2 ەسە ارتتى. بۇل رەتتە, تىڭايتقىش ەنگٸزۋ اۋىل شارۋاشىلىعى ٶنٸمٸنٸڭ ساپاسى مەن تٷسٸمدٸلٸگٸنە تٸكەلەي ەسەر ەتەتٸنٸن ەسكەرە وتىرىپ, وبلىس ەكٸمدەرٸنەن مينەرالدى تىڭايتقىشتاردى ەنگٸزۋ كٶلەمٸن ارتتىرۋ جۇمىسىن كٷشەيتۋدٸ سۇرايمىز. سونداي-اق, ەگٸستەردٸ زييانكەستەر مەن اۋرۋلارعا قارسى حيمييالىق ٶڭدەۋ شارالارى ۋاقتىلى قابىلداندى. ٷيٸرلٸ جەنە ساياق زييانكەستەردٸڭ تارالۋ وشاقتارىن ۋاقتىلى وقشاۋلاۋ ولاردىڭ ەلەمدە بايقالىپ وتىرعان اۋىر زارداپتارىن بولدىرماۋعا مٷمكٸندٸك بەردٸ. بيولوگييالىق تيٸمدٸلٸك 80-92%-دى قۇرادى. بۇل رەتتە, سوڭعى جىلدارى اسا قاۋٸپتٸ زييانكەستەر بويىنشا ٶڭدەۋ الاڭدارىنىڭ 2,3 ەسە, دەندٸ داقىلدار اۋرۋلارى بويىنشا ٶڭدەۋ 1,8 ەسە تٶمەندەگەنٸ بايقالادى.
«بيىل پەستيتسيدتەردٸ سۋبسيدييالاۋعا 37 ملرد تەڭگە كٶزدەلدٸ, بۇل كٶلەم 2019 جىلعا قاراعاندا 9,6 ملرد تەڭگەگە كٶپ. بٷگٸنگٸ كٷنٸ شامامەن 17 ملن گەكتار نەمەسە جالپى ەگٸس الاڭىنىڭ 75%-ى ٶڭدەلدٸ», — دەدٸ وماروۆ.
ەگٸن جيناۋ جۇمىستارى باستالاتىن ۋاقىتقا اۋىل شارۋاشىلىعى تاۋارىن ٶندٸرۋشٸلەر بارلىق قاجەتتٸ تەحنيكانى دايىن ەتتٸ. جالپى ەگٸن جيناۋ جۇمىستارىن جٷرگٸزۋ ٷشٸن رەسپۋبليكادا 145 مىڭ تراكتور, 75 مىڭ تراكتور تٸركەمەسٸ, 38 مىڭ استىق جينايتىن كومباين, 15 مىڭ دەستەلەگٸش, 39 مىڭ جٷك اۆتوموبيلٸ بار.
جۇمىستىڭ ۇزاق توقتاپ قالۋىن بولدىرماۋ ماقساتىندا اۋىل شارۋاشىلىعى تاۋارىن ٶندٸرۋشٸلەر جٶندەۋ بريگادالارىن قالىپتاستىردى. سەرۆيستٸك كومپانييالارمەن كٶشپەلٸ سەرۆيستٸ كٷشەيتۋ, سونداي-اق قويمالاردى قاجەتتٸ قوسالقى بٶلشەكتەرمەن تولتىرۋ بويىنشا تيٸستٸ جۇمىستار جٷرگٸزٸلدٸ.
«ەگٸن جيناۋ جۇمىستارىن ۋاقىتىلى جٷرگٸزۋ ٷشٸن اۋىل شارۋاشىلىعى تاۋارىن ٶندٸرۋشٸلەرگە 395 مىڭ توننا ارزانداتىلعان جانار-جاعارماي بٶلٸندٸ. شٸلدەدەگٸ كٶلەمدٸ ٶڭٸرلەر تولىق الدى. تامىز ايىنداعى كٶلەمنٸڭ 55%-ىنا اقى تٶلەندٸ, 26%-ى تيەپ-جٶنەلتٸلدٸ», — دەدٸ وماروۆ.
ٶزدەرٸڭٸزگە بەلگٸلٸ, ەلٸمٸزدٸڭ ازىق-تٷلٸك قاۋٸپسٸزدٸگٸن قامتاماسىز ەتۋ, ونىڭ ٸشٸندە كوروناۆيرۋس پاندەميياسىنا بايلانىستى قازٸرگٸ جاعدايدا بٸرٸنشٸ كەزەكتەگٸ ماقساتتاردىڭ بٸرٸ بولىپ تابىلادى. قابىلدانعان شارالار, وسى جىلى اۋا-رايىنىڭ قولايسىز بولۋىنا قاراماستان, بٸرلەسٸپ استىق ٶندٸرۋ كٶلەمٸن ٶتكەن جىلعى دەڭگەيدە كٷتۋگە مٷمكٸندٸك بەرەدٸ.
اۋىل شارۋاشىلىعى داقىلدارىنىڭ بولجانىپ وتىرعان كٶلەمٸ ەلٸمٸزدٸڭ ٸشكٸ سۇرانىسىن تولىعىمەن قامتاماسىز ەتۋگە مٷمكٸندٸك بەرەدٸ. بۇعان قوسا مەملەكەت باسشىسى ق. توقاەۆتىڭ تاپسىرماسىن ورىنداۋ ماقساتىندا وسى جىلى ازىق-تٷلٸك كەلٸسٸمشارت كورپوراتسيياسى اۋىل شارۋاشىلىعى ٶنٸمدەرٸن فورۆاردتىق ساتىپ الۋدى جٷزەگە اسىردى, سونىڭ ارقاسىندا ازىق-تٷلٸك كەلٸسٸمشارت كورپوراتسيياسىنا 517 مىڭ توننا مٶلشەرٸندە استىق جەتكٸزۋ كٶلەمٸ تۋرالى كەلٸسٸمشارت جاسالدى.
بۇل رەتتە, ازىق-تٷلٸك كەلٸسٸمشارت كورپوراتسيياسىنىڭ رەزەرۆتٸك قورىندا 456,4 مىڭ توننا استىق بار. كٶرسەتٸلگەن استىق كٶلەمٸ, قاجەت بولعان جاعدايدا, ٸشكٸ نارىقتى تۇراقتاندىرۋ جەنە ازىق-تٷلٸك قاۋٸپسٸزدٸگٸن قامتاماسىز ەتۋ ماقساتىندا ٸشكٸ نارىققا باعىتتالاتىن بولادى.
«رەسپۋبليكانىڭ جالپى استىق ساقتاۋ سىيىمدىلىعى 27,5 ملن توننانى, ونىڭ ٸشٸندە استىق قابىلداۋ كەسٸپورىندارىندا 12 ملن توننانى, اۋىل شارۋاشىلىعى تاۋارىن ٶندٸرۋشٸلەردە 15,5 ملن توننانى قۇرايدى. ساقتاۋ سىيىمدىلىعىنىڭ كٶرسەتٸلگەن كٶلەمٸ ٶتكەن جىلداردان قالعان قالدىق استىقتى ەسەپكە العاندا, بولجانىپ وتىرعان تٷسٸمدٸ ساقتاۋ ٷشٸن جەتكٸلٸكتٸ», — دەدٸ وماروۆ.
سونىمەن قاتار, ەكٸمدٸكتەر ەلەۆاتورلاردىڭ 2020 جىلعى ەگٸندٸ قابىلداۋعا دەگەن دايىندىعىنا, سونداي-اق كارانتيندٸك شارالاردى ىقتيمال كٷشەيتۋ مٷمكٸندٸگٸن ەسكەرە وتىرىپ, تاناپتاردان استىقتىڭ ەلەۆاتورلارعا ٷزدٸكسٸز تاسىمالدانۋىنا تۇراقتى مونيتورينگ جٷرگٸزٸپ وتىرۋى قاجەت.
«جينالعان ٶنٸمنٸڭ (18 ملن توننا) 3,5 ملن تونناسى ازىق-تٷلٸكتٸك ماقساتقا, 4,2 ملن تونناسى جەمشٶپكە, 2,1 ملن تونناسى تۇقىمدىق ماقساتقا, 700 مىڭ تونناسى ٶنەركەسٸپتٸك ٶڭدەۋگە باعىتتالاتىن بولادى. بولجانىپ وتىرعان تٷسٸم بەلگٸلٸ بٸر كٶلەمدەردٸ ەكسپورتقا جٶنەلتۋگە دە مٷمكٸندٸك بەرەتٸن بولادى. بۇل رەتتە بيىل ەكسپورتتىق ستراتەگييانىڭ ٶتكەن جىلداردان ٶزگەشەلٸگٸ بولمايدى جەنە دەستٷرلٸ نارىقتاردا باسىم ورىنداردىڭ ساقتالۋىمەن سيپاتتالادى. 2020/2021 ماركەتينگتٸك جىلعا ارنالعان ەكسپورتتىق ەلەۋەت ۇندى قوسا ەسەپتەگەندە 7,5-8 ملن توننانى قۇرايدى», — دەدٸ اۋىل شارۋاشىلىعى مينيسترٸ.
وماروۆ اتاپ ٶتكەندەي, قازٸرگٸ ۋاقىتتا بٸرٸنشٸ كەزەكتەگٸ مٸندەت ٶسٸرٸلگەن ەگٸندٸ شىعىنسىز جيناپ الۋ بولىپ تابىلادى, بۇل رەتتە قازگيدرومەت بولجامىنا سەيكەس قىركٷيەك ايىندا رەسپۋبليكانىڭ سولتٷستٸك-شىعىس بٶلٸگٸندە جاۋىن-شاشىن مٶلشەرٸ نورمادان جوعارى بولاتىنىن ەسكەرۋ قاجەت.
ەنەرگەتيكا مينيسترٸ نۇرلان نوعاەۆ 2020 جىلعى كٷزگٸ دالا جۇمىستارىن جٷرگٸزۋ ماقساتىندا ەنەرگەتيكا مينيسترلٸگٸ اۋىل شارۋاشىلىعى مينيسترلٸگٸمەن بٸرلەسٸپ «2020 جىلعى دالا جۇمىستارىنا ديزەل وتىنىن جەتكٸزۋ بويىنشا وبلىستاردى مٶز-گە بەكٸتۋ كەستەسٸن» ەزٸرلەدٸ, ونىڭ شەڭبەرٸندە اۋىل شارۋاشىلىعى تاۋارىن ٶندٸرۋشٸلەر ٷشٸن قاجەتتٸلٸك 395 مىڭ توننا كٶلەمٸندە بەكٸتٸلدٸ. وسى جىلدىڭ 21 تامىزىنداعى جاعداي بويىنشا 26,9% ورىندالدى. جوسپارلانعان 395 مىڭ توننانىڭ 106,2 مىڭ تونناسى تيەپ-جٶنەلتٸلدٸ, ونىڭ ٸشٸندە:
- شٸلدەدە 92,7%, جوسپارلانعان 74,6 مىڭ توننانىڭ 69,2 مىڭ تونناسى تيەپ-جٶنەلتٸلدٸ;
- تامىزدا 25,9%, جوسپارلانعان 142,7 مىڭ توننانىڭ 37 مىڭ تونناسى تيەپ-جٶنەلتٸلدٸ;
- بەكٸتٸلگەن كەستە بويىنشا قىركٷيەك ايىندا 140,8 مىڭ توننا, قازان ايىندا 36,8 مىڭ توننا تيەپ-جٶنەلتۋ جوسپارلانۋدا.
تيەپ-جٶنەلتۋ تٶلەمگە سەيكەس جٷرگٸزٸلۋدە.
2020 جىلدىڭ كٷزگٸ-دالا جۇمىستارىن جٷرگٸزۋ ٷشٸن ديزەل وتىنىنىڭ ۇسىنىلاتىن باعاسى قوسىمشا قۇن سالىعىن قوسا العاندا زاۋىتتا تونناسىنا 178 000 تەڭگەنٸ قۇرايدى نەمەسە ليترٸنە 147 تەڭگە (FCA شارتىمەن – تيەپ-جٶنەلتۋ ستانتسيياسى).
2020 جىلدىڭ كٷزگٸ-دالا جۇمىستارىن جٷرگٸزۋ ٷشٸن ديزەل وتىنىنىڭ ۇسىنىلاتىن باعاسى قوسىمشا قۇن سالىعىن قوسا العاندا زاۋىتتا تونناسىنا 178 000 تەڭگەنٸ قۇرايدى نەمەسە ليترٸنە 147 تەڭگە. جەتكٸزۋ مەن ساقتاۋدى ەسكەرە وتىرىپ, اشتٶ ٷشٸن بولجامدى باعاسى مٶز-دەن قاشىقتىعىنا بايلانىستى ليترٸنە 155-169 تەڭگە بولۋى مٷمكٸن. جانارماي قۇيۋ ستانتسيياسىنىڭ باعاسى ليترٸنە 178-دەن 193 تەڭگەگە دەيٸن.
«اۋىل شارۋاشىلىعى قاجەتتٸگٸ ٷشٸن ديزەل وتىنىنىڭ ارزانداتىلعان قۇنى جانار-جاعار ماي نارىعىنىڭ قاتىسۋشىلارىمەن كەلٸسٸم بويىنشا انىقتالادى», — دەدٸ ن. نوعاەۆ.
اقمولا وبلىسىنىڭ ەكٸمٸ ەرمەك مارجىقپاەۆ بيىل اقمولا وبلىسىندا اۋىل شارۋاشىلىعى داقىلدارىنىڭ ەگٸستٸك القابىنىڭ كٶلەمٸ 5 ملن گەكتاردى قۇراعانىن, ونىڭ ٸشٸندە: دەندٸ جەنە بۇرشاق دەندٸ داقىلدار – 4,4 ملن گا (2019 جىلعى دەڭگەيدەن 17,4 مىڭ گا ارتىق), مايلى داقىلدار – 210 مىڭ گەكتاردان استام, كارتوپ – شامامەن 16 مىڭ گا (87 گا ارتىق) جەنە كٶكٶنٸستەر – 3,5 مىڭ گا (ٶتكەن جىلعى دەڭگەيدەن 55 گا ارتىق), مال ازىعى – 181 مىڭ گا ەكەنٸن اتاپ ٶتتٸ.
ەگٸن جيناۋعا 8 مىڭنان استام استىق جيناۋ كومباينى قاتىسادى, ونىڭ ٸشٸندە قازٸرگٸ زامانعى جوعارى ٶنٸمدٸ تەحنيكا — 3,5 مىڭنان استام, سونداي-اق 2,5 مىڭ دەستەلەگٸش (2020 جىلى 67 استىق جيناۋ كومباينى, 219 تراكتور, 41 ەگٸن ەگۋ كەشەنٸ ساتىپ الىندى).
«بٷگٸنگٸ تاڭدا دەندٸ جەنە بۇرشاق دەندٸ داقىلدارىنىڭ 654 مىڭ گەكتارى ورىلدى (ەگٸستٸك القابىنان 14,8%), شىعىمدىلىعى گەكتارىنان 9,4 تسەنتنەردٸ قۇرايدى. جاڭا استىقتى قابىلداۋ ٷشٸن 4,2 ملن توننا جالپى ساقتاۋ سىيىمدىلىعىمەن 65 استىق قابىلداۋ كەسٸپورنى دايىن. جالپى, اۋىل شارۋاشىلىعى قۇرىلىمدارىنىڭ استىق ساقتاۋ قويمالارىن ەسكەرە وتىرىپ, 6,6 ملن توننادان استام استىقتى ساقتاۋ ٷشٸن مٷمكٸندٸك بار», — دەدٸ مارجىقپاەۆ.
كٷزگٸ-دالا جۇمىستارىن جٷرگٸزۋ ٷشٸن 73 مىڭ توننا كەپٸل بەرٸلگەن ديزەل وتىنى بٶلٸندٸ.
ٶز كەزەگٸندە قوستاناي وبلىسىنىڭ ەكٸمٸ ارحيمەد مۇحامبەتوۆ دەندٸ داقىلدار جينايتىن القاپ وبلىس بويىنشا 4 ملن 051 مىڭ گەكتاردى قۇرايتىنىن اتاپ ٶتتٸ. مايلى داقىلدار 640,5 مىڭ گەكتار, بۇل ٶتكەن جىلعىدان 130,4 مىڭ گەكتارعا ارتىق. سوڭعى 4 جىلدا ەرتاراپتاندىرۋ شەڭبەرٸندە مايلى داقىلدار القابى 289 مىڭ گەكتارعا ۇلعايتىلدى. 10 تامىزدان باستاپ شارۋاشىلىقتار ەگٸن جيناۋعا كٸرٸستٸ, بٷگٸنگٸ كٷنٸ 591,4 مىڭ گەكتار دەندٸ داقىل باستىرىلدى نەمەسە 14,7%.
«بيىل اۋىل شارۋاشىلىعى قۇرىلىمدارىن قارجىلاندىرۋ ايتارلىقتاي ٶستٸ. كٶكتەمگٸ دالا جەنە ەگٸن جيناۋ جۇمىستارىن جٷرگٸزۋگە 29,3 ملرد تەڭگە الىندى. “اگرارلىق نەسيە كورپوراتسيياسى” اكتسيونەرلٸك قوعامى ارقىلى 22,5 ملرد تەڭگە بٶلٸندٸ, بۇل ٶتكەن جىلعىدان 8,9 ملرد تەڭگەگە ارتىق. ونىڭ ٸشٸندە 3,2 ملرد تەڭگە قاراپايىم زاتتار ەكونوميكاسى باعدارلاماسى بويىنشا الىندى», — دەدٸ مۇحامبەتوۆ.
ەگٸن جيناۋ جۇمىستارىنا قولدا بار بارلىق كومباين پاركٸ — 9,1 مىڭ بٸرلٸگٸ قاتىسۋدا. وبلىس تاۋار ٶندٸرۋشٸلەرٸنٸڭ تەحنيكالىق جاراقتاندىرىلۋىن ۇلعايتۋعا «اگروماشحولدينگ كZ» اكتسيونەرلٸك قوعامى ايتارلىقتاي قولداۋ كٶرسەتۋدە. 2019-2020 جىلدارى كەسٸپورىن 445 «ەسٸل» كومباينىن جاساپ شىعاردى. تاۋار ٶندٸرۋشٸلەر جانار-جاعار مايمەن قامتاماسىز ەتٸلگەن, بٶلٸنگەن كٶلەمدەرٸ جەتكٸلٸكتٸ.
«ٶنٸمدٸ ساقتاۋ سىيىمدىلىعى 8,2 ملن تونناعا ارنالعان. سوڭعى 3 جىلدا وبلىستا قوسىمشا 950 مىڭ توننا ٶنٸمدٸ ساقتاۋ سىيىمدىلىقتارى ەنگٸزٸلدٸ, جيىنتىق ٶنٸمدٸلٸگٸ تەۋلٸگٸنە 53 مىڭ توننا استىق بولاتىن 44 كەپتٸرۋ اگرەگاتى ساتىپ الىندى. بۇل قۋاتتىلىقتار ٶسٸرٸلگەن ٶنٸمدٸ ۋاقىتىلى ٶڭدەۋ, كەپتٸرۋ جەنە ساقتاۋ ٷشٸن جەتكٸلٸكتٸ. جالپى, بارلىق جۇمىستار شتاتتىق رەجيمدە جٷرگٸزٸلۋدە», — دەدٸ قوستاناي وبلىسىنىڭ ەكٸمٸ.
سولتٷستٸك قازاقستان وبلىسىنىڭ ەكٸمٸ قۇمار اقساقالوۆ قازٸرگٸ ۋاقىتتا استىقتىڭ 14,7% جينالعانىن اتاپ ٶتتٸ. شىعىمدىلىق — گەكتاردان 14 تسەنتنەر. 22,5 مىڭنان استام گەكتار القاپتان مايلى داقىلدار جيناپ الىندى. شىعىمدىلىعى — گەكتاردان 9 تسەنتنەر. وبلىس بويىنشا باستىرۋدا ورتاشا تەۋلٸكتٸك ٶنٸمدٸلٸك 160-170 مىڭ گا نەمەسە جالپى اۋداننىڭ 4-4,5%-نەن ارتىق بولادى.
«ەگٸن جيناۋ جۇمىستارى 4,2 ملن گەكتار القابىندا جٷرگٸزٸلەتٸن بولادى. يمپورت الماستىرۋ اياسىندا قاراقۇمىق القابى 2,5 ەسەگە (1,7 - 4,2 مىڭ گا), اسبۇرشاق القابى 41-دەن 54 مىڭ گا-عا ۇلعايدى», — دەدٸ اقساقالوۆ.
ٶڭٸر ديقاندارى 100 مىڭ توننا مينەرالدى تىڭايتقىش ەنگٸزدٸ. جىل سوڭىنا دەيٸن تاعى 30 مىڭ توننا ەنگٸزٸلەدٸ.
جىل باسىنان 35 ملرد تەڭگەگە 1 480 بٸرلٸك جاڭا تەحنيكا الىندى. ول بىلتىرعى جىلمەن سالىستىرعاندا, تەحنيكا سانى بويىنشا 20 پايىزعا, ال اقشاعا شاققاندا 1,5 ەسە كٶپ.
«وبلىسقا 75 مىڭ توننا ارزانداتىلعان ديزەل بٶلٸندٸ. جانار-جاعارماي بويىنشا پروبلەما جوق. استىق ساقتاۋ قويمالارىنىڭ سىيىمدىلىعى 6 ملن 600 مىڭ توننا. بۇل ٶڭٸردٸڭ قاجەتتٸلٸگٸن تولىق قامتاماسىز ەتٸپ وتىر. جالپى, قاجەتتٸ ٸس-شارالاردىڭ بارلىعى ۋاقىتىندا جەنە تولىق اتقارىلدى, بۇل وراق ناۋقانىن بەلگٸلەنگەن مەرزٸمدە ٶتكٸزۋگە مٷمكٸندٸك بەرەدٸ», — دەدٸ اقساقالوۆ.
قاراعاندى وبلىسىنىڭ ەكٸمٸ جەڭٸس قاسىمبەك دەندٸ داقىلداردى جيناۋ كٶلەمٸ 896 مىڭ گەكتاردى قۇراعانىن اتاپ ٶتتٸ. ونىڭ ٸشٸندە بيداي 682,8 مىڭ گەكتار, كارتوپ 15,4 مىڭ گەكتار, كٶكٶنٸس 3 مىڭ گەكتار جەنە مايلى داقىلدار 23,2 مىڭ گەكتاردى قۇرايدى.
«بٷگٸندە دەندٸ داقىل ەگٸستٸكتەرٸ القابىنىڭ 67%-ى جاقسى, 27,5%-ى – قاناعاتتانارلىق, 3%-ى – ناشار (27,3 مىڭ گا) جەنە 2,5%-ى (21,3 مىڭ گا) تامىز ايىنىڭ باسىندا بۇرشاق ۇرۋىنا بايلانىستى جارامسىز جاعدايدا. استىق نەگٸزٸنەن 1,1% (9,6 مىڭ گا) سٷتتٸ, 34,2% (306,6 مىڭ گا) سٷتتٸ بالاۋىز, 54,5% (488,8 مىڭ گا) – بالاۋىز جەنە 10,2% (91,1 مىڭ گا) تولىق پٸسۋ فازاسىندا», — دەدٸ قاسىمبەك.
بيىلعى 25 تامىزداعى جاعداي بويىنشا 72,9 مىڭ گەكتار القاپ باستىرىلدى (8,1%). بۇل ٶتكەن جىلمەن سالىستىرعاندا 14 مىڭ گەكتارعا ارتىق. ورتاشا تٷسٸمدٸلٸگٸ گەكتارىنا 10 تسەنتنەردەن 72,6 مىڭ توننا استىق جينالدى. ەگٸن ورۋ جۇمىستارىنا 2 345 استىق ورۋ كومباينى قاتىسۋدا.
كٷزگٸ دالا جۇمىستارىنا بٶلٸنگەن جەڭٸلدەتٸلگەن ديزەل وتىنى كەستەگە سەيكەس تاسىلۋدا. جالپى, وبلىس بويىنشا استىقتىڭ قاجەتتٸ كٶلەمٸن ساقتاۋعا قامبا جەتكٸلٸكتٸ. ىلعالدى استىقتى كەپتٸرۋگە قولدا بار كەپتٸرگٸشتەر دايىندىق ساناتىنا قويىلدى. ەگٸن وراعى كٷندەلٸكتٸ باقىلاۋدا.
