قازاقستاندىقتاردىڭ ناقتى جالاقىلارى تٶمەندەۋدە. اعىمداعى جىلدىڭ ەكٸنشٸ جارتىجىلدىعىندا جالدامالى جۇمىسشىلاردىڭ جالاقىلارىنىڭ ساتىپ الۋ قابٸلەتٸ ٶتكەن جىلعى دەڭگەيٸمەن سالىستىرعاندا 2,9 پايىزعا قىسقاردى. بۇل تۋرالى Ranking.kz سايتى حابارلادى.
ەستەرٸڭٸزگە سالا كەتسەك, اعىمداعى جىلدىڭ قاڭتار-ناۋرىز ايلارىندا قازاقستانداعى جالاقى قۇنىنىڭ جىلدىق قۇلدىراۋى 2 پايىزدى قۇراعان بولاتىن. بۇل رەتتە قازاقستان تۇرعىندارىنىڭ ورتاشا ايلىق اتاۋلى جالاقىلارى 4,4 پايىزعا ٶستٸ. بٸراق نەگٸزگٸ تۇتىنۋ تاۋلارلارى مەن قىزمەتتەر باعاسىنىڭ ٶسٸمٸ جوعارى بولدى. سونىڭ سالدارىنان ەلدەگٸ ەڭبەك تابىسىنىڭ ناقتى قۇنى تٶمەن بولىپ وتىر. جالدامالى جۇمىستىڭ ۇلتتىق نارىعى كٶلەمٸ جاعىنان قايتا قالپىنا كەلۋگە تىرىسۋدا. الايدا ٶسٸم بارىنشا ەلسٸز جٷرۋدە. اعىمداعى جىلدىڭ قاڭتار-ماۋسىمىندا قازاقستانداعى جالدامالى جۇمىسشىلاردىڭ ناقتى سانى 3,5 ملن ادامدى قۇرادى. بۇل بٸر جىل بۇرىنعى سان دەڭگەيٸنەن 1,5 پايىزعا جوعارى.
ايتا كەتەرلٸگٸ, ٶتكەن جىلى ەڭبەك نارىعىنىڭ كٶلەمٸ كٷرت قىسقارىپ, ورتاشا جىلدىق دەڭگەيدەگٸ كٶرسەتكٸشتٸڭ كەمۋٸ 5,4 پايىز بولدى. سوڭعى 5 جىلدىڭ ٸشٸندە رەسپۋبليكاداعى جالدامالى جۇمىسشىلاردىڭ ەڭ كٶپ سانى 2015 جىلى 3,6 ملن ادام بولىپ تٸركەلدٸ.
2017 جىلدىڭ 2 توقسانىندا قازاقستاننىڭ نە بەرٸ 2 ٶڭٸرٸندە عانا ناقتى جالاقى ٶسٸمٸ تٸركەلدٸ. ولار: اقتٶبە (1,3 پايىز) جەنە ماڭعىستاۋ (0,8) وبلىستارى. سەۋٸر-ماۋسىمدا جالاقىنىڭ ساتىپ الۋ قابٸلەتٸنٸڭ بارىنشا قىسقارۋىن اتىراۋ تۇرعىندارى سەزٸندٸ. بۇل ٶڭٸردە ناقتى جالاقى 2016 جىلدىڭ 2 توقسانىمەن سالىستىرعاندا بٸردەن 13,3 پايىزدى قۇلادى. استانادا جۇمىسشىلاردىڭ جالاقىسى 0,1 پايىزعا كەمٸدٸ. ال الماتىدا ناقتى جالاقىنىڭ قۇلدىراۋى جىلدىق مەندە 5,2 پايىزدى قۇرادى.
اعىمداعى جىلى قازاقستاندا نەتيجەلٸ جۇمىسپەن قامتۋ جەنە جاپپاي كەسٸپكەرلٸكتٸ دامىتۋ باعدارلاماسى باستالادى. باعدارلاما 2021 جىلعا دەيٸن جۇمىس ٸستەيدٸ. ول جٷزەگە اسىرىلعاننان كەيٸن قازاقستانداعى جۇمىسسىزدىق دەڭگەيٸ 4,8 پايىزعا قىسقارادى دەپ كٷتٸلۋدە.
