قازاقستان دەنساۋلىق ساقتاۋ مينيسترلٸگٸنٸڭ 4 سەۋٸر 22.45-تەگٸ دەرەگٸنە ساي, ەلدە تاعى التى ادامنان كوروناۆيرۋس تابىلدى. ونىڭ ٷشەۋٸ - نۇر-سۇلتاندا, ەكەۋٸ - قىزىلوردا وبلىسىندا, بٸرەۋ جامبىل وبلىسىندا.
4 سەۋٸردە ەلدە 67 ادامنان ۆيرۋس انىقتالدى. ەلدە قازٸر 531 ادامنان كوروناۆيرۋستىڭ جاڭا تٷرٸ تابىلدى. 36 ادام دەرتتەن ايىقتى. بەس ادام قايتىس بولدى.
دەنساۋلىق ساقتاۋ مينيسترلٸگٸ ەلدە ۆيرۋستىڭ تاراۋى سەۋٸردٸڭ ورتاسىندا شەگٸنە جەتٸپ, ازايا تٷسەدٸ دەپ بولجايدى. ەلدە 15 سەۋٸرگە دەيٸن تٶتەنشە جاعداي. قازاقستاننىڭ باسىم بٶلٸگٸندە كارانتين جارييالانعان.
ۆيرۋس جۇقتىرعان 531 ادام مىنا ايماقتاردا:
- نۇر-سۇلتان قالاسى – 219
- الماتى قالاسى – 110
- قىزىلوردا وبلىسى – 30
- قاراعاندى وبلىسى – 27
- سولتٷستٸك قازاقستان وبلىسى – 25
- تٷركٸستان وبلىسى – 23
- اتىراۋ وبلىسى – 22
- اقمولا وبلىسى – 20
- شىمكەنت قالاسى – 13
- جامبىل وبلىسى – 11
- اقتٶبە وبلىسى – 10
- الماتى وبلىسى – 10
- شىعىس قازاقستان وبلىسى – 4
- ماڭعىستاۋ وبلىسى – 3
- باتىس قازاقستان وبلىسى – 2
- قوستاناي وبلىسى – 1
- پاۆلودار وبلىسى – 1
