جامبىل وبلىسىنداعى قازاقستاندىق ۆاكتسينا ٶندٸرەتٸن زاۋىتتىڭ قاشان ٸسكە قوسىلاتىنى بەلگٸلٸ بولدى, دەپ حابارلايدى "ۇلت اقپارات".
«بٸزدە ۆاكتسينا ٶندٸرەتٸن زاۋىت سالۋ تەجٸريبەسٸ بولماعاندىقتان حالىقارالىق ۇيىمدارمەن بايلانىس ورناتىپ, اقش, قىتايدان قۇرال-جابدىقتارعا تاپىسىرىس بەردٸك. پاندەمييا كەزٸندە سىرت ەلدەن تاۋار ەكەلۋ وڭايعا سوقپايدى. ايتا كەتەيٸن, كەيبٸر كەرەك قۇرالداردى شانحايدان بٸزدٸڭ ەلشٸلٸك ارقىلى الدىردىق. بٷگٸندە قاجەتتٸ قۇرال-جابدىقتىڭ 99 پايىزى ەلگە جەتكٸزٸلدٸ. ولاردى ورناتۋ جۇمىسىنا قىتاي, يتالييا جەنە ۋكراينا ماماندارى جۇمىلدىرىلدى», - دەدٸ جامبىل وبلىسىنىڭ ەكٸمٸ بەردٸبەك ساپارباەۆ وكق-دە ٶتكەن باسپاسٶز مەسليحاتىندا.
ونىڭ ايتۋىنشا, بٷگٸن اتالعان زاۋىتتىڭ قۇرىلىس-مونتاجداۋ جۇمىسى اياقتالعان.
«كٷنٸ كەشە عانا تەحنيكالىق سىناق جاساپ كٶردٸك, بەرٸ دۇرىس. قۇرال-جابدىقتى تولىقتاي ورناتىپ بولعان سوڭ تەحنولوگييالىق تۇرعىدان تەكسەرٸستەن ٶتەدٸ. سودان سوڭ دەنساۋلىق ساقتاۋ جەنە بٸلٸم جەنە عىلىم مينيسترلٸكتەرٸنٸڭ GMP تالاپتارىن راستايتىن سەرتيفيكات بەرٸلەدٸ. ول ٷشٸن 1,5 اي ۋاقىت قاجەت. سەرتيفيكات العان سوڭ, ليتسەنزييا بەرٸلۋٸ تيٸس. وسىلايشا ۆاكتسينا زاۋىتىن قىركٷيەك ايىندا ٸسكە قوسۋ جوسپارلانىپ وتىر», - دەيدٸ ول.
