Jambyl oblysyndaǵy qazaqstandyq vaktsina óndiretin zaýyttyń qashan iske qosylatyny belgili boldy, dep habarlaidy "Ult aqparat".
«Bizde vaktsina óndiretin zaýyt salý tájiribesi bolmaǵandyqtan halyqaralyq uiymdarmen bailanys ornatyp, AQSh, Qytaidan qural-jabdyqtarǵa tapysyrys berdik. Pandemiia kezinde syrt elden taýar ákelý ońaiǵa soqpaidy. Aita keteiin, keibir kerek quraldardy Shanhaidan bizdiń elshilik arqyly aldyrdyq. Búginde qajetti qural-jabdyqtyń 99 paiyzy elge jetkizildi. Olardy ornatý jumysyna Qytai, Italiia jáne Ýkraina mamandary jumyldyryldy», - dedi Jambyl oblysynyń ákimi Berdibek Saparbaev OKQ-de ótken baspasóz máslihatynda.
Onyń aitýynsha, búgin atalǵan zaýyttyń qurylys-montajdaý jumysy aiaqtalǵan.
«Kúni keshe ǵana tehnikalyq synaq jasap kórdik, bári durys. Qural-jabdyqty tolyqtai ornatyp bolǵan soń tehnologiialyq turǵydan tekseristen ótedi. Sodan soń Densaýlyq saqtaý jáne Bilim jáne ǵylym ministrlikteriniń GMP talaptaryn rastaityn sertifikat beriledi. Ol úshin 1,5 ai ýaqyt qajet. Sertifikat alǵan soń, litsenziia berilýi tiis. Osylaisha vaktsina zaýytyn qyrkúiek aiynda iske qosý josparlanyp otyr», - deidi ol.
