قر پرەمەر-مينيسترٸنٸڭ ورىنباسارى ەرالى توعجانوۆ «كوروناۆيرۋستىڭ ٷندٸ شتامىنا بايلانىستى ەۋە رەيستەرٸ جابىلۋى مٷمكٸن بە?» دەگەن سۇراققا جاۋاپ بەردٸ, دەپ حابارلايدى قازاقپارات.
«بٸز ەشكٸممەن ەۋە كوريدورىن جاپپايمىز. بٸزدە 150-گە جۋىق رەيس بار, 14 ەلمەن تىعىز بايلانىس ورناتىلعان. ٶزدەرٸڭٸز بٸلەسٸزدەر, بٸز باياعىدا-اق قاۋٸپسٸزدٸك شارالارىن قابىلداعانبىز: قازاقستانعا كەلەتٸن بارلىق ازاماتتارعا پتر-تەست مٸندەتتەلگەن. بۇل تٸپتٸ شەتەلدە جٷرگەن ازاماتتارعا دا قاتىستى. ەۋە كەڭٸستٸگٸن شەكتەۋ ەلٸ جوسپارلانىپ وتىرعان جوق», - دەدٸ سپيكەر ورتالىق كوممۋنيكاتسييالار قىزمەتٸندە تٸلشٸ سۇراعىنا وراي.
بۇعان دەيٸن ەرالى توعجانوۆ «قازاقستاندا ٷندٸ شتامىنا بايلانىستى لوكداۋن جارييالانۋى مٷمكٸن بە?» دەگەن ساۋالعا جاۋاپ بەرگەن ەدٸ.
«بٷگٸنگٸ كٷنٸ رەسپۋبليكا اۋماعىنا لوكداۋن ەنگٸزۋگە بايلانىستى ەش مەسەلە كٶرٸپ وتىرعان جوقپىز. ول كٷن تەرتٸبٸندە دە جوق. كەشە ۆەدومستۆوارالىق كوميسسييا وتىرىسىندا نۇر-سۇلتان قالاسىندا ناقتى شەكتەۋ شارالارىن قابىلدادىق. سٶز جوق, ونىڭ بەرٸن الدىن الۋ شارالارى دەپ ايتۋعا تولىق مٷمكٸندٸك بار. ونىڭ ٸشٸندە ناقتى وبەكتٸلەر مەن قىزمەت كٶرسەتۋ سالاسىنا, حالىق كٶپ جينالاتىن ساۋدا ورتالىقتارىنا بايلانىستى قانداي شارالار قولعا الىنعانىن ٶزدەرٸڭٸز ەستٸدٸڭٸزدەر. سوندىقتان قازٸر وسى شارالار اينالاسىندا جۇمىس ٸستەي بەرەمٸز. ەرٸ قارايعى شەشٸم قابىلداۋىمىز ەلدەگٸ ەپيدەميولوگييالىق جاعدايعا بايلانىستى بولادى», - دەپ جاۋاپ بەردٸ ەرالى توعجانوۆ.
ايتا كەتەيٸك, 22 ماۋسىمدا ەلوردادا كوروناۆيرۋستىڭ ٷندٸ شتامى انىقتالدى. كوروناۆيرۋستىڭ «دەلتا» شتامىنىڭ جۇعۋ قاۋپٸ جوعارى جەنە وسى شتامم انىقتالعان ناۋقاستاردىڭ 60 پايىزىندا 7 كٷنگە دەيٸنگٸ بارىنشا قىسقا ينكۋباتسييالىق كەزەڭ بايقالعان.
