بٷگٸن مەجٸلٸستەگٸ ٷكٸمەت ساعاتىندا قر مەدەنيەت جەنە سپورت مينيسترٸ دەۋرەن اباەۆ تۋريزم باعىتىنداعى ينۆەستيتسييالىق جوبالار تۋرالى ايتىپ بەردٸ, دەپ حابارلايدى قازاقپارات.
«بيزنەستٸڭ ينۆەستيتسييالىق بەلسەندٸلٸگٸ جانداندى. دەستيناتسيياسى ەڭ جوعارى 10 ٶڭٸردە 2019-2021 جىلدارى جالپى سوماسى 395,5 ملرد تەڭگە بولاتىن 276 ينۆەستيتسييالىق جوبا پايدالانۋعا بەرٸلدٸ. 5 200 جاڭا جۇمىس ورنى قۇرىلدى. ٶتكەن جىلدىڭ باسىنان بەرٸ جالپى سوماسى 226 ملرد تەڭگە بولاتىن 102 نىسان ٸسكە قوسىلدى. 2019-2021 جىلداردا جٷزەگە اسىرىلعان ەڭ ٸرٸ جوبالاردان: تٷركٸستانداعى «كەرۋەن-ساراي» كەشەنٸن, «Rixos Turkistan» جەنە «Hampton by Hilton» قوناق ٷيلەرٸن, اقتاۋ قالاسىنداعى «Rixos Water World Aktau» كەشەنٸن جەنە «Tetys Blu» پاركٸن, نۇر-سۇلتان قالاسىنداعى «Sheraton» قوناق ٷيٸن, بۋراباي-ششۋچينسك كۋرورتتىق ايماعىنداعى «بايتاس» قوناق ٷيٸن, سونداي-اق, «Swissotel Almaty» جەنە باسقا دا جوبالار ٸسكە قوسىلدى», - دەدٸ د. اباەۆ.
سونىمەن قاتار ول ينۆەستيتسيياسىنىڭ جالپى كٶلەمٸ 1,5 ترلن تەڭگەنٸ قۇرايتىن 145 جوبانى جٷزەگە اسىرۋ جالعاسىپ جاتقانىن, وندا 7 مىڭنان استام جۇمىس ورنى قۇرىلاتىندىعىن جەتكٸزدٸ.
«وعان قوسا, باعالاۋ سوماسى 1,5 ترلن تەڭگەنٸ قۇرايتىن 46 ينۆەستيتسييالىق جوبا پىسىقتالىپ جاتىر. مەملەكەتتٸك باعدارلاما قابىلدانعان سەتتەن باستاپ تۋردەستيناتسييا ينفراقۇرىلىمىنىڭ العاشقى وندىعىنىڭ جالپى قاجەتتٸلٸگٸنەن 97 جوبانى جٷزەگە اسىرۋعا تٷرلٸ باعدارلامالار مەن جوسپارلار بويىنشا 140,4 ملرد تەڭگە بٶلٸندٸ. ونىڭ ٸشٸندە 2021 جىلى 50 جوباعا 63,5 ملرد تەڭگە بٶلٸندٸ. بٷگٸنگٸ تاڭدا 47 ينفراقۇرىلىم جوباسى اياقتالدى. مىسالى, بىلتىر اقتاۋ قالاسىنداعى جىلى جاعاجايدى يگەرۋ باعىتىندا تٸكە اۆتوجولمەن, ەلەكتر قۋاتىمەن جەنە سۋمەن قامتاماسىز ەتۋ جۇمىستارى قارقىندى جٷرگٸزٸلدٸ. سونداي-اق الاكٶل كٶلٸنٸڭ وڭتٷستٸك بٶلٸگٸندەگٸ جاعالاۋدى بەكٸتۋ جۇمىستارىنا, تۋريستٸك ماۋسىمعا دەيٸن اياقتالۋى جوسپارلانعان ٷشارال جەنە ٷرجار ەۋەجايلارىن قالپىنا كەلتٸرۋ جۇمىستارىنا دا قارجى بٶلٸندٸ», - دەدٸ مينيستر.
وسى ورايد ول تۋريزم ينفراقۇرىلىمسىز دامىمايتىنىن اتاپ ٶتتٸ. سوندىقتان بٶلٸنگەن قاراجات 573,7 شاقىرىم اۆتوجولدى, 321,4 شاقىرىم سۋ تارتۋ / كەرٸز جەلٸسٸن, 291,3 شاقىرىم سۋمەن جابدىقتاۋدى, 108,6 شاقىرىم ەلەكتر ەنەرگيياسىن بەرۋ جەلٸلەرٸن جەنە باسقا دا جوبالاردى جول-كٶلٸكتٸك ەرٸ ينجەنەرلٸك ينفراقۇرىلىم تۇرعىسىنان دامىتۋعا مٷمكٸندٸك بەرەدٸ.
