فوتو: Polisia.kz
قازاقستاندا تەلەفون ۇرلىعى 16%-عا تٶمەندەدٸ, – دەپ حابارلايدى Polisia.kz.
بٷگٸنگٸ تاڭدا ۇيالى تەلەفون - تەك بايلانىس قۇرالى عانا ەمەس, سونىمەن قاتار جەكە دەرەكتەردٸ, قاراجات پەن بانك كارتالارىن ساقتاۋعا ارنالعان پلاتفورما.
ٸٸم مەلٸمەتٸ بويىنشا, سمارتفوندار, ەسٸرەسە قىمبات مودەلدەر ۇرلىقتىڭ نىساناسىنا جيٸ اينالادى, ولاردىڭ كەيبٸرٸنٸڭ قۇنى شامامەن 1 ملن تەڭگەنٸ قۇرايدى.
"ستاتيستيكاعا سەيكەس, وسى جىلدىڭ 10 ايىندا ەل بويىنشا 9 مىڭنان استام تەلەفون ۇرلىعى تٸركەلدٸ. بۇل ٶتكەن جىلعى كٶرسەتكٸشكە قاراعاندا 16%-عا تٶمەن. بۇل رەتتە تابىلىپ, يەلەرٸنە قايتارىلعانى – 4 مىڭنان استام.
ۇيالى تەلەفونداردى ۇرلاۋعا قارسى ٸس-قيمىل بويىنشا قابىلدانىپ جاتقان شارالاردى جەتٸلدٸرۋ ماقساتىندا ۆەدومستۆو بٸرقاتار ۇيىمداستىرۋشىلىق جەنە زاڭنامالىق باستامالاردى ٸسكە اسىرىپ جاتىر. مىسالى, تسدياٶم-مەن بٸرلەسٸپ قىلمىستىق جولمەن الىنعان تەلەفونداردىڭ قايتالاما اينالىمىن بولدىرماۋ ماقساتىندا “بايلانىس تۋرالى” قر زاڭىنا ٶزگەرٸستەر ەنگٸزٸلدٸ, سوعان سەيكەس “ابونەنتتٸك قۇرىلعىلاردى تٸركەۋ قاعيدالارى” ەزٸرلەنٸپ, بەكٸتٸلدٸ" - دەلٸنگەن حابارلامادا.
ەرەجەگە سەيكەس, بارلىق ۇيالى تەلەفوندار “IMEI + SIM + جسن” سحەماسى بويىنشا تٸركەلۋٸ كەرەك, ەگەر بۇل بايلام بۇزىلعان بولسا, بۇعاتتالۋى كەرەك.
ٸٸم كريمينالدىق پوليتسييا دەپارتامەنتٸ باسقارماسى باستىعىنىڭ ورىنباسارى جاندوس باتىربەكوۆ بٷگٸنگٸ تاڭدا تەلەفون ۇرلىعىنىڭ تٶمەندەۋ ٷردٸسٸ بايقالىپ, ولاردىڭ اشىلۋ دەڭگەيٸ ارتىپ كەلە جاتقانىن اتاپ ٶتتٸ. نەتيجەسٸندە سوڭعى ٷش جىلدا ۇرلانعان تەلەفوندار سانىنىڭ 22,1%-عا, قالتا ۇرلىعىنىڭ 57,7%-عا تٶمەندەۋٸ بايقالدى, مۇندا ۇيالى تەلەفوندار دا قول سۇعۋشىلىقتىڭ نىساناسىنا اينالىپ وتىر. بۇل قىلمىستاردىڭ اشىلۋى 90% دەڭگەيٸندە قالادى.
"سونداي-اق ۇيالى تەلەفونداردى ۇرلاۋعا قارسى ٸس-قيمىل ماقساتىندا پوليتسەيلەر ولاردى ساتىپ الۋ جەنە ٶتكٸزۋ ورىندارى بويىنشا جەدەل-پروفيلاكتيكالىق جەنە رەيدتٸك ٸس-شارالار جٷرگٸزەدٸ. بازارلار, ساۋدا ٷيلەرٸ مەن ورتالىقتارى, بۋتيكتەر, جٶندەۋ شەبەرحانالارى تەكسەرٸلەدٸ" - دەلٸنگەن حابارلامادا.
تەلەفون ۇرىلارىنىڭ قۇربانى بولماس ٷشٸن تەرتٸپ ساقشىلارى بٸرنەشە قاراپايىم ەرەجەلەردٸ ساقتاۋدى ۇسىنادى:
– تەلەفوندى كيٸم مەن سٶمكەلەردٸڭ سىرتقى قالتالارىنا سالماڭىز;
– تەلەفون جاتقان سٶمكە جابىق ەكەنٸنە كٶز جەتكٸزٸڭٸز;
– تەلەفوندى قاراۋسىز قالدىرماڭىز;
– تەلەفوندى كٶلٸكتە كٶرٸنەتٸن جەردە قالدىرماڭىز (پانەلدە, ورىندىقتا جەنە ت.ب.);
– جوعالعان تەلەفوندى تابۋ ٷشٸن Android جٷيەسٸ بار تەلەفوندارعا ارنالعان “قۇرىلعىنى تابۋ” جەنە iPhone ٷشٸن “لوكاتور” قۇرىلعىلارىن ٸزدەۋ قىزمەتٸن پايدالانىڭىز, وندا سمارتفوندى جوعالعان دەپ بەلگٸلەۋ كەرەك, سٸزبەن بايلانىسۋعا بولاتىن دوسىڭىزدىڭ نەمەسە تۋىسقانىڭىزدىڭ نٶمٸرٸ بار حابارلامانى ەكرانعا شىعارىڭىز.
