قازاقستاندا تەۋلٸگٸنە 64 مىڭ پتر-تەست جاسالاتىن بولادى. بۇل تۋرالى قر دەنساۋلىق ساقتاۋ مينيسترلٸگٸنٸڭ رەسمي ٶكٸلٸ باعدات قوجاحمەتوۆ ايتتى, دەپ حابارلايدى قازاقپارات.
«قازٸرگٸ ۋاقىتتا COVID-19-عا پتر-سىناق ەدٸسٸمەن 2,5 ملن-نان استام زەرتحانالىق زەرتتەۋ جاسالدى. ونىڭ ٸشٸندە ەڭ كٶبٸ الماتىدا, نۇر-سۇلتاندا, اتىراۋ, قاراعاندى, شىعىس قازاقستان وبلىستارىندا جٷرگٸزٸلدٸ. ۆيرۋستىڭ جاڭا تولقىنىنا قارسى زەرتحانالاردىڭ قۋاتتىلىعى تەۋلٸگٸنە 64 مىڭ سىناققا دەيٸن ارتتىرىلادى», - دەدٸ ول ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا.
ونىڭ ايتۋىنشا, وسى جىلدىڭ سوڭىنا دەيٸن ەلٸمٸزدٸڭ 11 وبلىس ورتالىعىندا 2,5 مىڭ تٶسەك-ورىنعا ارنالعان 12 مودۋلدٸك جۇقپالى اۋرۋلار اۋرۋحاناسى سالىنىپ, پايدالانۋعا بەرٸلەتٸندٸگٸ جوسپارلانعان. بۇعان قوسا ٶسكەمەن مەن تاراز قالاسىنداعى جەدەل جەردەم قىزمەتتەرٸنٸڭ بوس تۇرعان عيماراتتارى ستاتسيونارعا بەيٸمدەلەدٸ. وسىلايشا ەلٸمٸزدٸڭ 14 وبلىسىندا اۋرۋحانا جۇمىسىن باستايتىن بولادى.
