Qazaqstanda táýligine 64 myń PTR-test jasalatyn bolady. Bul týraly QR Densaýlyq saqtaý ministrliginiń resmi ókili Baǵdat Qojahmetov aitty, dep habarlaidy QazAqparat.
«Qazirgi ýaqytta COVID-19-ǵa PTR-synaq ádisimen 2,5 mln-nan astam zerthanalyq zertteý jasaldy. Onyń ishinde eń kóbi Almatyda, Nur-Sultanda, Atyraý, Qaraǵandy, Shyǵys Qazaqstan oblystarynda júrgizildi. Virýstyń jańa tolqynyna qarsy zerthanalardyń qýattylyǵy táýligine 64 myń synaqqa deiin arttyrylady», - dedi ol Ortalyq kommýnikatsiialar qyzmetindegi baspasóz máslihatynda.
Onyń aitýynsha, osy jyldyń sońyna deiin elimizdiń 11 oblys ortalyǵynda 2,5 myń tósek-orynǵa arnalǵan 12 modýldik juqpaly aýrýlar aýrýhanasy salynyp, paidalanýǵa beriletindigi josparlanǵan. Buǵan qosa Óskemen men Taraz qalasyndaǵy jedel járdem qyzmetteriniń bos turǵan ǵimarattary statsionarǵa beiimdeledi. Osylaisha elimizdiń 14 oblysynda aýrýhana jumysyn bastaityn bolady.
